Kay Competitividad Energética kamachiy rurana killka, kullkimanta utkashpa rurana nishpa chayachishka, zirma illaymanta llamkaykullki llakiyashkata yanapanapak shinallatak zirmata wiñachinapakpash yuyaywan chayachishka, Llaktapak shinallatak shukllapak llamkaypash zirmawan kimirishpa llamkaykullkita rikunata allichinapak chayachishka kamuka Mamallakta Tantanakuypi shukniki rimanakuyta yallirka.
Valentina Centeno, Desarrollo Económico Minkarishkata pushak shinallatak kamachiy killkata riksichik, kay punchakunapi llakta zirma illak kawsakuyka 2018 watamanta 28.864 gW/h zirma wiñay ashayashkamantami rikurishka nishpa yuyachirka. Kay 2027 watapash kayshinallatak kanami rikurin, shinallatak zirmata mutsuyka 38.663 gW/h mirakun, nirka. Kay puchukay 6 watakunaka kayshina llamkaypak kullkita mana chayachishkachu, nirkami.
Kay kamachiyka zirma chanita mirachinapak mana rikushkachu, ashtawanpash llakta chuya zirmata paktachunmi kayachin, shinaka fotovoltaica antakunata shinallatak hillaykunatapash IVA manu kullki kishpichishkawan apamuchun mañan, tarpuna antawakuna mushukyay ushaywan llamkakta 0% manu kullkiwan chayachina shinallatak kikinmanta zirmata wiñachish kawsayman yallichikkunaka 100% manu kullki kishpichina.
Kay Servicio Público de Energía Eléctrica (LOSPEE) kamachiy mushukyachina killkaka, 20 niki killkatami charin, kaykuna shina, Plan Maestro de Electrificación (PME) llamkayñanta paktachinka, Mamallaktachiyka chikanyachishpa shuklla llamkakman, istallakta llamkaywasiman shinallatak economía popular y solidaria llamkakkunamanpash zirmata llaktapak wiñachichun minkay ushanatami, llaktamanta kay yanapayta mana chayachiy ushakpika llaktayukta kayachishpa paktachun rikuchin,
Puchukay yanaparikkunata llaktapak zirma chayachishkamanta chanina kipayashkamana wawa kullkita kunkanapak mañan, llakaywasikuna kaypi mana kishpirin, shinapash tukuy mamakullkita 90 punchakunapi chayachikpi. Shinallatak, kay 2016 watapi allpa chukchuy llakimanta Manabí, Esmeraldas markapi wiñarishka mamakullki wawakullkita tukuy kay marakpi llakakunapakmi kunkachun rikuchin.
Rimanakuy
Kay kamachiy rurana killkapak yuyaykunataka 36 kamachi killkakkunami chayachirka. Kay mañaykunapika lectricidad, hidrocarburos y minas llakaywasikunami chikanyan, shinallatak regulación y control paktarikunapash; zirmata wiñachinapak llamkak antakunata wasikunatapash allichinapak kullkita chayachina shinallatak shukllapak llamkakwasikuna kullkiwan paktarichun; shinallatak, llamkak wasikuna zirma wiñachinapi kimirikpi manukullkita ashayachina.
Llaktaka tamya usya kashkata rikushpa mana kawsana kanchu shinallatak llaktapi mutsurishkata paktanapak zirmata istallaktaman rantinapak, chaymantami kayshina zirma wiñachina llamkaykunapi tukuyshina paktarichun kullki chayachina mutsurin kayshina llamkaywan shamuk achka pachakunapak alli paktariy tiyachun.
Llaktata ñawpa pushakkuna paktarishkata shitarirkakuna paykuna mana allichishkamantami kunan llakipi kawsakunchik nirka, chaymantami ñawinchiyta paktachina kanchik shinallatak llaktay rikuytapash kallarina mutsurin kaypi Plan Maestro de Electrificación llamkayñan paktashkata shinallatak zirma wiñachina wasikuna mana pakta allichishkata riksishun, nirka,
Kallarimanka, llaktayukta chaskishpa, Mamallakta Tantanakuyka, Jorge Calderón, Federación Nacional de Operadoras de Transporte de Taxis del Ecuador, Fedotaxi tantanakuy pushak rimashkata uyarka, payka Mamallakta Tantanakuytami kay Orgánica de Transporte Terrestre, Tránsito y Seguridad Vial kamachiypak kanchis chunka shukniki killka rikuchishkata paktanapak pachakuna mirachichun kimichinapak mañarka, kaypika kay kamachiy paktarinaman yaykushkamanta pichka wata kipamanta, llamkana antawankunaka zirmawan purinaman yallinka nin, kay mañayka llaktapi zirma mana pakta kashkamantami shinallatak zirma pukyupash tukuy llaktapi mana tiyashkamantai, nirka.
BG/pv/cg-k
Ashtawan Shuyukuna:
