Henry Kronfle, Mamallakta Tantanakuyta pushakka, Kamachiy awllipi llamkakkuna yachaypi wiñarishpa katichunmi yuyaypaktarin. Kay makipurayka shuk paktana yuyay chayllatak kakpika ñawpakman purina ushashkatami riksichi.
Kay Ministra de Trabajo llamkakka yachaypi katinami ashtawan alli llamkay shinallatak Ecuador llakta wamrakuna llamkayta wiñachinapak yachaypi alliyachinata riksichik hatun ñanmi, paykunami llamkayta charinapakmi munankuna, kayshina kawsaypi paktakanapak shinallatak kushilla kawsanapakapash, shuk kasiklla kawsana llaktapi kanapak, hayñikunata pakta charinapakapash, nin.
"Ministerio del Trabajo llamkaywasipakka Mamallakta Tantanakuyman shuk iñik pankata chayachina ancha sumaychanmi kayshinami llakta mutsushka kamachiyta chayachinalla mana kan ashtawanpash llaktapi llamkaywasikunata alli charinapak ruraykunapi yanapanapak paktariymi, Mamallaktachiy ancha llakipi kawsakushkata chimpapuranapak.
Paypak manyamantaka, Mamallakta Tantanakuyta pushak, Henry Kronfle kamachi killkakka Ministerio de Trabajo tantanakuymanta iñik pankata yachachinata ushanmi nishpa chayachishkawanka llamkak ayllukunata, kamachik ayllukunatapash may alli yachayman chayachin yanapanapakmi kan, nirka.
Kaywanka, llamkaywasipi yanapak ayllukunata yachachishpa katinapak shinallatak Mamallakta Tantanakuypi allichishkata llaktayukman allita riksichinapak, kamachiykunamanta willanapak chayachinapakmi yanapanka, nirka.
Ministra de Trabajo llamkay pushakta Mamallakta Tantanakuy kay iñik pankata charinapak chaskishkamanta yupaycharka, kay iñik pankawanka llaktayuktami ashtawan allita yanapanka.
Puchukaypika, Mamallakta Tantanakuypi yachakkuna llamkakkunapash wiñarishpa katichunmi yuyaypaktarinka. "Kayshina makipurayka paktana chayllatak kakpi purinapakmi yanapan", Kashnami Mamallakta Tantanakuyta pushak nirka.
PV/cg-k
Ashtawan shuyukuna: