Mamallakta Tantanakuyta pushak, Henry Kronfle kay chillay puncha, 17h20 pacha chishipakmi, 886 niki rimanakuypak kayachirka, kaypimi Competitividad Energética kamachiy rurana killkata ishkayniki rimanakuypi riksinkakuna, kay kamachiy rurana killkaka kullkimanta utkashpa rurana shinallakta zirma illayta allichinapak kachashkami.
Kay rimanakuyka Desarrollo Económico Minkarishka allichishka killkapimi kimirishpa paktarinka, llaktayukkuna shinallatak llaktapak llamkaywasi pushakkuna yuyay chayachishkata tantachishpami tawka mushukyaykunawan paktarishka. Kay mushukyaykunaka llamkaywasikunata chayachinapak, istallakta llamkaywasikunapi chaypikanapak, chuya ushay paktarinata munachinapak, llakta pushakkuna sumaychanapak, zirma anku churanapi shukllapak llamkaywasikuna chayanapak, shuktak yuyayunapipashmi paktarishka.
Kay rurana kamachiyka kullkillamkayta alliyachinapak shinallatak zirma wiñachinapakpash, llaktapak shukllapak chayachina zirma llamkaykullkita allikachinapak, kayshina zirma illaymanta llakikunata allichinapak, kay llakikunaka zirmata mana pakta charinamanmi chayachin.
Kamachiy rurana killkawanka, Ecuador llaktawan zirma llamkaypi kullkiwan paktarinapak yuyarinakuyka zirmata mashna chanipi rantinatapashmi kimichinka, shinapash energía y electricidad llamkaywasiwan yuyarinakushpa paktarinakuna.
Ashtawanka, zirmataka Mamallaktachiymi paypak llamkaywasikunawan chayachinka; shinapash, makipurashpa llamkaywasikunawan kallaripika arini ushanka, kaypika Mamallaktachiypi ashktawan rikunata charinka shinallatak shukllapak, istallakta shinallatak economía popular y solidaria llamkaywasikunapash chikanyashpa chayanka, mushuk llamkaykunapak.
Kamachiy rurana killkaka llaktapi pushakkunamanmi kikin llaktapi kay Plan Nacional de Eficiencia Energética llamkaypak rikuchishkata katishpa paktarinka, antawa purichik, antawa purikta rikuy, rumiyashka mapakunata rikunapak kamachiyta utkashpa allichina pushanapash paktan.
PV/cg-k
