Mamallakta Tantanakuypimi shukni rimanakuypi llamkarkakuna, kay kamachiy rurana killkawanka illapakunata, tukyanata, hillaykunata, shinallatak illapata charinapak rikuranapak, rurayta chapanapak, ista llaktamanta apamunapak, llaktaman chayachinapak, purichinapak, ista llaktaman kachanapakpak, mintalanapak, apanapak, wakichinapak, charinata arininapakpas rikuchinka.
Rimanakuy kallarinapak ñawpaka, llaktayuk rimarichun kaskirka, kaymanmi Logística de las Fuerzas Armadas tantanakuyta pushak, Manuel Dávila chayamurka, kunanpi paktarikuk kamachiyka 44 watakuna arinishkami chaymantami mushukyachina mutsurin, nirka. Kay Dirección Nacional de Control de Armas tantanakuy paktarinata alliyachichun shinallatak wañuchinapak, manchachinapak illapakunata charinapak niki killkata allichichun, ninmi.
Kasiklla kanata yachak, Rodolfo Timoshenko runaka nirkami, kay kamachiyka illapakunata kacharishpa paktanapak mana kanchu, ashtawanpash achikllata allin allin rikunapakmi yanapan, nirka. Shinallatak Asociación de Ganaderos del Litoral y Galápagos tantanakuyta pushak, Enrique Baquerizo runaka kay Ley de Armas kamachiy shinallatak uchilla kamachiypak paktarinapi llaki charishkatami rimarka. Chaykamaka, Cámara de Seguridad wankurita kipapushak, Alba Rodríguez runaka kasiklla kawsanapak llamkakwasikunaman iñik pankta chayachinapak rikushkata chayachirka, tukuypak kana kan, ninmi.
Killkata riksichik, Xavier Jurado kamachi killkak, kunanpi paktarikuk kamachiyka mawkami shinallatak Mamakamachiywan mana paktarikchu nirkami. Kay kamachiyka wayrapi, zirmawan, achkata llakichik, tukuyshina tukyana, samipi harkak, miyuy shinatalla tuyak illapakunatami rikuranka. "Kamachiyka kunanlla arinishka Ley de Vigilancia y Seguridad Privada kamachiywanmi paktarinka kan", nirkami.
"Kay kamachiyka illapakunata kacharishpa charinapak mana arininchu", Leonardo Berrezueta kamachi killkakka nirkapashmi, illapakuna charishkata rikuranapak, killkachinapak, mushukyachinapakpash mutsurin shinami pakalla mintalayta chikanyachishun. Paymantaka, Paúl Buestán runaka tinkichik kamachiykunatapash rikunami kan, kayshina, COIP kamachiypak 360 niki killkata, llaktayukkuna illapa charina rikuchikta, nirka.
Alexandra Arce runaka kay kamachiy rurana killkata Mamallakta Tantanakuy kay llakichiy paktarikuk punchakunapi rimanakuy allimi nirka. shinallatak Otto Vera runaka kay kamachiyka llakichikta chimpapuranapak alli hayllimi kan, nirka.
Ashtawanka, Sofía Espín, Lucio Gutiérrez, Patricia Núñez, Jaime Guevara, Cecilia Baltazar, Pierina Correa, Ramiro Vela, Jaminton Intriago, Fernando Jaramillo, Juan Carlos Camacho shinallatak Fabiola Sanmartín kamachi killkakunami rimarirka.
La presidente encargada, Esther Cuesta cerró el primer debate del proyecto y anunció que el trámite continúa en la Comisión de Soberanía, Integración y Seguridad Integral.
Minkashka pushak, Esther Cuesta kay kamachiy rurana killkamanta shukniki rimanakuyta wichkarka shinallatak kay killkataka Soberanía, Integración y Seguridad Integral.Minkarishkapi allichishpa katinka nirka,
AM/pv/cg-k
Ashtawan shuyukuna:
