Kari warmi chayshinallatak llamkayta rurakpi chayshinallatak llamkaypika llamkaykullkita shinallata shuktak chanikunatapash pakta pakta chayachinapak rikunka, kari warmi kashkata mana chikanyachishpa, kaytami Ley para la Igualdad Salarial entre Mujeres y Hombres kamachiyka rikuranka, killkaka Kamachiy Kipuyman chayashka kan, Mamallakta Tantanakuypi Llakta pushak allichinaman kachashkata rikushka kipa.
Kay kamachiyka chunka chusku niki killkatami llaktapi pakta llamkaykullkita, chaparanata, willachinata shinallatak killkarinata shinallatak llamkaymanta chaninapi ima llaki tiyakpi yanaparinatapash paktanapak rikuchin.
Killkata riksichik shinallatak Derecho al Trabajo Minkarishkata kipapushak, Marcela Holguín kamachi killkakka kay kamachiy rurana killkaka kari warmi pakta kanapak yanapay kashkamanta tukuy llaktay wankurikunapak yanapaytami chaskirka nirka. Kimichishpa nirkapashmi, BID tantari willaypika, 2023 watapika pakta llamkayka 40,8% karikukunapak karka shinallatak 28,7% warmikunapak karka; shinallatak, karikuna llamkaymanta karikuna chaniyka USD. 475,4, kutin warmikunapakka USD. 404,6 karka.
Dallyana Passailaigue, John Polanco, Sofía Sánchez, Luzmila Abad, Johana Ortiz, Gissela Garzón, Fernanda González, Justin Suárez shinallatak Franklin Samaniego kamachi killkakkunaka kay kamachiy allimi nirkakuna shinallatak llaktamantami chikanyachik llaktaykunata anchuchinata kallarina kan nirkakuna, kari warmi chayshinallatak llamkayta paktakpika chanita chayshinallatak chaskichun nirkakuna.
96 ari apushitaywanmi, Mamallakta Tantanakuyka kay kamachiy paktarinapak chunka killka niki killkapi, tukuyta rikuchishka killkapi, ishkay ashapaklla churashka killkapi; utkashpa yachachinata kashkata, watan watan willachinata, iñik killkata paktanata, huchachiywan chayanata, huchachishka kutichinata, hayñi paktachinata, wanachinatapashmi kutinpash arinirka; kayshina yuyaykunatami ishkayniki rimanakuypi kay yallik 28 puncha, sasi killa, 2023 wata arirnika.
Chaykamaka, tukuykunami 123 ari apushitaywan, Llakta pushak allichinaman kachashkata kay 2, 3 niki killkapi arinirkakuna, kaypika kamachiypak hatun yuyaykunami, killkata achikyachin shinallatak yuyaypaktarichinpash.
Kamachiyman kimirishka
Kallaripika, Ana Karen Gómez, kay Asociación de Mujeres por la Equidad de Género y Autonomía (Mega) tantanakuyta pushak, Mamallakta Tantanakuy ukupi rimarirka, kari warmi llamkaypi pakta kakta rikuk kamachiyman kimirinapak. Nirkami pay pushakushka tantanakuyka tukuy paktarishka katikukta rikushpami llamkakunchik nirka shinallatak niki killka allikachunmi yuyayta chayachirka, Llaktapak llamkaywasikunami paktachina kan, kaypika llaktapi pushakkunapashmi paktarina kan, nirkami.
BG/pv/cg-k
Ashtawan shuyukuna:
