Kay IESS shinallatak BIESS tantanakuypi pushakkuna mushuk tantariyta, shinallatak Seguridad Social tantanakuyman Llakta chanita chayachinamantami, kay Seguridad Social y a la Ley del BIESS kamachiy mushukyachinata shukniki rimanakuypi riksirkakuna, kay rimanakuyka Derecho al Trabajo Minkarishkapi allichishka llamkaywillayta katishpami paktarka.
Kay kamachiy rurana killkata riksinakuyka ñawpakman mañashkatami charin, 2022 watapi, Henry Llanes Suárez llaktayuk mañay chayachishka, 57.557 ayllukunapak shuti aspishkawan kimichishka, kay Consejo Naconal Electoral tantanakuy yuyarinakushkapi shinami rikurin.
Llaktayuk rimarinapi, Henry Llanes runaka kay kamachiy mushukyachinaka kimsa yuyaytami mashkakun nirka: ishkantik llamkaywasipi pushakkuna imashina tantachinamanta; llamkaywasi mushukyanamanta; shinallatak, Mamallaktachiymanta IESS tantanakuyman 10 waranka hunu dólar kullki chayachina kipayashkata paktanami kan, nirka.
LLamkaywillay riksichiypika, Jhonny Terán kamachi killkak, Minkarishkata pushak, tukuy killkarishka ayllukuna shinallatak llamkakkunapash chaypikanatami sumaychanchik, kay Consejo Directivo del IESS; shinallatak BIESS tantanakuy pushakkuna 5 chaypikachun shinallatak llaktapak mintalak kullkiwasimana tikrachun, Mamallaktachiypash chayachina kipayashka kullkita pakta chayachichun, Seguro Social Campesino tantanakuymanpash.
Francisco Cevallos kamachi killkakka kamachiy mushukyachinapak killkata llaktayukkuna chayachishkapika Seguridad Social kamachiypak 28 niki killkata riksirirka, ashtawanka Consejo Directivo del IESS pushakkunata tantachina nirka. Milton Aguas runaka Galápagos llaktapi samakuk runakunamanta rimarka, paykunapak samana kullkitaka Ecuador hatun llaktapi shinallatakmi chaninkuna llakipi urmachishpa, nirka. Otto Vera runaka chayachina watakunata mirachishpa llakita allichinaka mana chashna kanchu, nirkami.
Kay mañaymanka Paúl Buestán kamachi killkakpash kimirirka, payka paktachinapak seguro wankuripak kullkita shinallatak wakichishkata, Consejo Directivo del IESS pushaktapash mitsarka, pichka kimirishka ayllukunawan. Luzmila Abad, kamachiy mushukyachinaka llaktayuk shuyakushkami, pakta alli yanapayta chaskinapakmi shuyakun nirka. Patricia Núñez kamachi killkakka kallaripika IESS pakta kawsay charinata rikuna kan, nirka. Dallyana Passailaigue kamachi killkakka Llakta pushakkuna llamkakpak kullkita mana hapina kanchu, nirka.
Ashtawanka, Amado Chávez, Humberto Tapia, Pedro Velasco, Henry Bósquez, Jaminton Intriago, Adriana García, Manuel Bohórquez shinallatak Jaime Guevara kamachi killkakunami yuyaykunata chayachirka, ashtawanka Consejo Directivo del IESS pushakkuna tantarinamanta, llakta pushak kullkita paktanamanta, seguro campesino hampina wasipi yanapay illashamanta, seguridad social shuktak mutsurishkamantapash rimarkakuna.
16 kamachi killkakkuna rimarishka kipami, Alexandra Castillo pushak minkashka kay rimanakuyta wichkarka shinallatak tukuy chayachishka yuyaykunata Derecho al Trabajo y a la Seguridad Social Minkarishkaman chayachichun shinallatak kamachiyta allichishka katichun mañarka.
AM/pv/cg-k
