Llamkaypi warmikunata chikanyachishka ashayachinapak shinallatak llamkaykullki nakashpaka tukuyshina chanishka kullkitapash kari warmi chayshinallatak llamkaypi paktarikpia pakta pakta chayachinamanta, kay paktanakunatami Ley de Igualdad Salarial entre Mujeres y Hombres kamachiyka mashkakun, kay chaska puncha Kamachiy Kipukpi willachishkamantami llaktapi paktarinaman yaykurka.
Kay kamachiyka mamakamachiy rikuchishka hatun yuyayta paktachinapakmi kayachin kaypimi Mamakamachiy shinallatak istallakta kamachiykunaash hayñikunata paktanapak riksichin. Shinallatak ninmi tukuy ayllukunami chayshinallatak kanka hayñikunata, paktachinakunata, hapinakunatapash paktami charinka nin.
Chaypakka, llamkaypi millashpa chikanyachishkatami anchuchinapak mashkakuna shinallatak kari warmikunami chayshinallatak llamkaypi paktarishkaka pakta pakta chanina kullkita chaskinka.
Shukllapak shinallatak llaktapak llamkachikkunaka tukuy llamkakkunamanmi pakta chaninka. Shinallatak, llaktapak llamkaywasikuna, shukllapak llamkaywasikuna, llamkachikkunapash yachayman kimirinkakuna, ashtawanka llamkakkunata rikuna charikuna, nakashpaka llamkaywasita pushakkuna.
Ashtawanka, kari warmi llamkakkuna ama chikanyashka kachunmi yuyaykunata chayachinka munaymanpash kayachinka. llaktapi kayshina pushayta rikukmanmi watan watan imashinalla ruraykuna, paktanakuna rikurikushkata shuk llamkaywillaypi churashpa riksichinka.
PV/cg-k
