Mamallakta Tantanakuyta pushak, Henry Kronfle kay wanra puncha, 10h25 pachapakmi kay No.891 niki rimanakuyman kayachirka, kaypika Llakta pushak kay Ley Especial Amazónica, Ley de Gestión de Identidad y Datos Civiles y Ley de Gestión Integral de Riesgos kamachiy mushukyachina killkata allichinapak kachashkatami riksinkakuna.
Kallari shuknikipika Ley para la Planificación Integral de Circunscripción Amazónica kamachiy mushukyachina mamakamachiywan waktarikun shinallatak mana mutsurishkami nishpa allichinaman kakashkatami riksinkakuna. Chaypak, Biodiversidad Minkarishkami, Llakta pushak riksichishpa kachashkata kuskishka kipa shinallatak Corte Constitucional tantanakuy yuyarinakushka killkapi Mamallakta Tantanakuy kallaripi allichishkata kutin tukuy arinina nishpa rikuchishkata paktachichinkapak.
Kay kamachiyka llaktayta, purinata shinallatak chikanyashka kamachiytami warmi wawakunata, yuyak warmitapash llakichiyta harkankapak anchuchinkapakpash, ashtawankarin chikanyashkata shinallatak anchuchishkatapash rikurashpa, ashtawanka runa ayllukuna wiñarinamanta, pachamamapak hayñita sumaychashpa, pachamamapi kawsayta, tukuy tiyashkatapash charishpa, chay llaktapi kawsakkunapak yachayta tukuy patakunapi hayñi paktachun, kawsayta tarpuy chariraypash, llaktayukpak kawsayta, kawsaypurachiyta, llaktayukputayta, shinallatak Sumak Kawsaypak hatun yuyaykunata katinapak, chariraya.
Chayachallatakmi, Garantías Constitucionales y Derecho Colectivos Minkarishkapi allichishka llamkaywillay riksinka, kay Ley de Gestión de Identidad y Datos Civiles kamachiy mushukyachinapak rikuchishka, kaywanka llaktayukta pakta yanapayta alliyachinapak, shinallatak Corte Constitucional tantanakuy ayllukunapak kikin shutita mamakamachiy paktachinapak rikuchishka killkata mashkakun.
Kay kamachiyka Corte Constitucional tantanakuy yuyaypaktarishka killkatami paktachikun kaypika kari warmi kana munashpa shutita mushukyachinkapak; katishutita mana sakishpa charikushkamanta mushukyachinapak, shinallatak Dirección General de Registro Civil, Identificación y Cedulación tantanakuy paktarina shuktak yuyaykunatapash riksinka.
Minkarishkakunaka, paykuna allichishka llamkaywillaypi, Mamallata Tantanakuytami 11 allichinaman kachashka killkata hapichun shinallatak Mamallakta Tantanakuy arinishka 9 killkata chayshinallatak sakichun mañan.
Puchukaypika, Seguridad Integral Minkarishkapi allichishka llamkaywillayta riksinka, allichinkakunapash kaypika Ley de Gestión Integral del Riesgo de Desastres kamachiy allichinapak rikuchishkata riksinka, kay kamachiyka runa ayllukunapak, tantanakuykunapak, pachamamapak allikanatami pachamamapi mana riksishkamantapash llakikuna rikurikpi sumaychanka.
Minkarishkakunaka, riksishka kipami Mamallakta Tantanakuyta Llakta pushak allichinaman 22 killka allichinaman kachashkata hapichun, kaypika Mamallakta Tantanakuypi arinishka killkata ashtawan achikyachichunmi mañashka.
Kay kamachiywanka Sistema Nacional Descentralizado de Gestión del Riesgo de Desastres yanapay llikatami rikuranata mañan; shinallatak, llakikuna rikurinalla kakpi yanapayta, hillaykunata, ruraykunata, harkanapak, ashayachinapak yanapanka; llakikuna tiyashka kipa allichinkapak, alliyanapakpash, shinallatak llaktayukpak kullkillamkayta, pachamamatapash alliyachinkapak.
PV/cg-k
