Kay Garantías Constitucionales y Derechos Colectivos Minkarishka allichishka llamkaywillaypi kimirishpa, Mamallakta Tantanakuyka kay Ley de Gestión de Identidad y Datos Civiles kamachiy mushukyachina killka allichina paktashkata rimanakurkakuna, kay kamachiywanka yanaparikkuna utkashpa paktarichun, llaktayukta alli mitachiriychun, chapakkuna paktanapash sinchiyachun, shinallatak Corte Constitucional tantanakuy yuyarinakushka killkata mamakamachiywan mana paktarinchu ayllukunapak kikinwillaymanta nishkata paktachishpapish.
Minkarishkata pushak, Paola Cabezas kamachi killkakka nirkami Mamallakta Tantanakuy shinallatak Llakta pushakpash, Corte Constitucional tantanakuy yuyarinakushka sentencia No. 133-17-SEP-CC killkata paktachinatakmi kan shinallatak kay Corte Interamericana de Derechos Humanos tantanakuypak Opinión Consultiva 24/17 killkata paktachinatak nin, kaypika Ecuador mamallaktami runapak hayñita ukllana mutsurin, nirkami.
Kamachi killkakka kay kamachiy mushukyachinapika kari warmi tukuy ayllukunapak kikin shutiriytami riksirin shinallatak ashtawanka GLBTI ayllukunata ashtawan riksirishpa, nishpaka, kari warmiyashka ayllukuna kikin munaymanta kikinyarik pankapi munashka kikinyayta shutichinkapak; kati shutita achkata charishkamanta shuktakyachina, shuktak yuyaykunapash, Dirección General de Registro Civil, Identificación y Cedulación tantanakuyta pushak ushay paktarinamanta.
Kay kutinka Mamallakta Tantanakuyka 12 allichinaman kachashka 5, 6, 7, 8, 13, 16, 17, 24, 29, 31, 35, 38 niki killkakunata hapinapak arinirka, shinallatak kay 10, 18, 19, 21, 22, 30, 34 niki killkakunata, Ishkayniki Tukuypak churashka killkata chayshinallatak sakinapak mañayka 89 ari apushitaywanmi arinirkakuna. Llakta pushak allichinaman kachashkata hapinapakka Corte Constitucional tantanakuy shinallatak istallakta hayllikuna runapak hayñimanta rikuchishpa chayachishka yuyaypaktarishka kimirirka.
RSA/pv/cg-k
Ashtawan Shuyukuna:
