Chaypikak tukuykuna, 125 ari apushitaywan, Mamallakta Tantanakuyka kay Ley para la Planificación Integral de la Circunscripción Territorial Especial Amazónica kamachiyta Llakta ushak 18 niki killkata allichinaman kachashkata kallaripi killkashka shinallatatak sakirkakuna; shinallatak, Corte Constitucional tantanakuy yuyarinakushka Dictamen 3-23-PO/24 killkata hapirkakuna, kaypika 41.3 niki killka ishkay niki millka mamakamachiywan waktarikun nishpa kaypika antisuyu llaktakunapi chayachishpa mintalak runa nakashpaka tantanakuypash imalla charinakunamanta.
Kay kamachiyka Kamachi Kipukman rinka, kaywanka runa ayllukunata shinallatak kawsaymarkakunapi, kari warmikuna llaktapi imashina kawsashkata, kullkillamkayta, pachamamata, kawsaytarpuyta, pukllaykunata paktanapak llamkaywillayta pakta pakta chaskichunami kayachin.
Mamallakta Tantanakuyta pushak, Henry Kronfle Khozaya kamachi killkakka kay kamachiyka ñami chunka kamachiy patsak apushiy yalliwan arinishka, shinallatak kamachi killkakkuna llaktata yanapanapak yuyaywan llamkachunmi kayachirkapash.
Kay kamachiyka warmi wawakunata shinallatak warmikunatapash llakichiyta ashayachinapak anchuchinapak llaktaykuna paktarinatami sumaychan, ashtawankarin chikanyashka shitarishkata ashayachina yuyaywan, shinallatak runa wiñarinapak, pachamamapak hayñita sumaychanapak, kawsayta kawsaypachatapash charishpa katinapak, kaypi kawsak ayllukuna yachay hayñita paktachunkuna, wiñaykawsayta charishpa katichun, llaktapak yuyaykuna, kawsaypirachik, tawkapurakawsay shinallatak wanachinatapashmi rikunka.
Riksichik kamachi killkak, Guido Vargas, Biodiversidad Minkarishkata pushakka, kay Kamachiyka hampinamanta, yachaymanta, llamkaytapashmi yanapak kayshina antisuyu llaktakuna wiñarichun, nirkami.
Nirkapashmi kullkillamkaykuna ruraykunapash tukuymanta llamkayñan churashkapimi paktarinka, kay llaktapi llakikunata ashayachinapak; llaktapak, shukllapak, makipurashka , ayllukunapak llamkaywasikuna kikinpak nakashpa llaktapak kullkiwan kay suyullaktapi llamkakukka 80% llamkakkunami kay llaktakunamanta kanka. 10% patsakllami kayshuk ayllu llaktakunamanta kanka.,
Kay Fondo de Desarrollo Sostenible Amazónico kullkimantaka, 3% patsakta Universidades shinallatak Llaktapak Escuelas Politécnicas Sumak yachana wasikunata Sucumbíos, Orellana, Morona Santiago, Zamora Chinchipe markakunapi wiñachichun shinallatak, 5% patsakta Universidad Regional Amazónica IKIAM Sumak yachanawasi, Universidad Estatal Amazónica sumak yachanawasikuna Sucumbíos, Zamora Chinchipe markapi sinchiyachinapak ashtawanka Escuela Superior Politécnica del Chimborazo sumak yachanawasita Orellana, Morona Santiago markakunapi sinchiyachinapak chayachina.
Shinallatak, Secretaría Técnica wankuriy, hampinata pushakwan makipurashpa, mana riksishka, llakichik, ancha unkuykunatapash llaktamanta yanapachun yuyaypaktarinata riksina nirkami.
Llaktayuk rimarina
Rimanakuy kallarina ñawpaka, Nelly Mera, Asociación de Transportes Transur de Sucumbíos tantanakuyta pushak; Marco Antonio Enríquez, Comité Universitario de Sucumbíos tantarita pushak; Auxilio Vera, Red de Mujeres Amazónicas suyu tantarita pushak; shinallatak, Nohelia Mantilla, Asociación de Estudiantes ESPOCH - sede Orellana wankurita pushakpashmi, kay kamachiyka allimi punkara mintalashkamanta kullkita paktanapak, kay suyullaktaka ancha llakipi tixi yanapay illakllami kawsakun, nirka.
BG/pv/cg-k
Ashtawan shuyukuna:
