Kullkillamkaymanta utkashpa kamachiy ruranapak Llakta pushak, Daniel Noboa, chayachishka killka Mamallakta Tantanakuypi shukniki rimanakuy ukuí, llaktapi illapakunawan chimpapurankapak, llaktayuk llakita shinallatak kullki illaytapash yanapankapak nishpami, 18 kamachi killkakkuna tawak llaktay wankurimanta kay kamachiy ashtawan alliyachinapak yuyaykunata chayachirkakuna.
Kamachiyta riksichik shinallatak Desarrollo Económico Minkarishkata pushak, Valentina Centeno kamachi killkakka, kay kamachiyka llaktapak ushaypi paktarikkunaman illapakunata, hayllukunata llakichikta shinallatak umachinkachik mintalayta chimpapuranapakmi kullkita tantachinapak mashkakuna, kay Ministerio de Economía y Finanzas llamkaywasi yupaykunapi 2000 hunu dólar kullkimi watan watan illan ninmi.
Kimishpa nirkapasmi 260 hunu dólar kullkimikay watapi ayllukunata yanapash llamkankapak mutsurin, nirkami.
Kay Killan Manukullkita (IVA) mirachinapakka Mamallakta Tantanakuypi rimankushkamantami wiñarirka, chaymantami ancha mutsurishka charikunaka IVA manu kullkita mana chayachinchun shinallatak wakcha ayllukunapak llamkaykullkita mana wakllichichunchu. "Ecuador llakta ayllukunapak kullkita mana wakllichichun, ashtawanpash llakichiyta shinallatak umachinkachina mintalaytami chimpapuran", nirkami.
Kamachi killkakkunaka nirkami Mamallakta Tantanakuymi llakichikta shinallatak wankurishpa llakichiktapash chimpapuraypi yanaparinapak yuyaypaktarinka, chaymantami IVA manu kullkita wichiyachinapak mañayta chayachishkata yalli wiñachikpika kamachiy ruranakuna chayachinapak kayachirka.
Mañaykuna chayachishkapika rikurinmi yanapaykunata anchuchina, Impuesto a la Salida de Divisas (ISD) manu kullkita 6% patsakman mirachina; istallaktawan karuyachik llamkaywasikuna llamkayta kutin rikuna; shinallatak, kullkiwasikuna, hampi katukkuna, chuki llukshichikkuna shinallatak kullkillamkaypi allintan mirarikkunapash yanapachumi mañayta chayachishkakuna.
Ashtawanka, chayachina manu kullkimanta kishpirishpa shinallatak llaktapak charishkata wakllichikukta wanachinapak ruraykunata chayachinapakmi, nin.
Kamachiy rurana killka
Llamkaywillaypika IVA manukullki 13% patsakman mirachinata; shinallatak 2024, 2025, 2026 watakunapi manukullkita 15 % patsakman mirachinata.
Shinallatak manu kullkita 5% patsakmanmi kay 2022 watapi llamkaywasikuna paykunapak mintalashkamanta sakirishka kullki 50% patsak nakashpaka yalliman kay 2021 watapi riksichsihka kullkiwan mirashka kakpika churanka. Kaymantaka uchilla shinallatak maltalla llamkaywasikuna chikanyanmi.
Puchukaypika, manu kullkita 15 patsakmanta 25% patsakkama kullkiwasikuna shuk watapi chunka hunu dólar yalli kullkita kay 2022 nakashpaka 2023 watapi tarishkakakpia mirachinapak.
BG/pv/cg-k
Ashtawan Shuyukuna:
