Kay Universidad de Seguridad Ciudadana y Ciencia Policiales yachana wasita wiñachik kamachiyta Mamallakta Tantanakuy arinirka, kay kamuka Suplemento de Registro Oficial No. 495 niki killkapimi, kay 8 puncha panchi killa 2024 wata willachishka karka.
Kay kamachiyka Ecuador llaktapi tukuy llaktayukta yanapanapakmi, chaymantami, llaktayuk kasiklla kawsanapak llakta pushak wasikunapi, llaktakunapi pushakta shinallatak yanapak rurashpa llamkak tantarikunapi llamkakkunata yachachinka.
Sumak yachanawasika Ecuador llakta ayllukunamanmi sumak yachayman chayachun yanapanka, kasiklla kawsanapak tukuy llaktayuk mutsushkata wiñachinkapak yachachinka.
Kikinmanta pushayta, llaktayukpak hayñita shinallatak kullkimanta mana llamkaytami charinka; kikin yachayta wiñachinka, pushanka, kullkillankayta, tantanakuyta, charinakunatapash kikinpakmi shutichinka, Mamakamachiy shinallatak Ley Orgánica de Educación Superior kamachiy rikuchishkata paktachishpa.
Llamkaytaka kay yachaykunawanmi kallarinka: Investigación Criminal y Forense; Gestión de Seguridad Ciudadana; e, Inteligencia Estratégica y Prospectiva. Kay Ley de Educación Superior kamachiy rikuchishkata katishpa yachaykunata mirachiy ushanka.
PV/cg-k
