Mamallakta Tantanakuypi, 102 ari apushitaywan, Juan José Morillo, ñawpa rimakta llaktaywanachirka; shinallatak Fausto Murillo Fierro kay Consejo de la Judicatura tantanakuypi kunan punchakama rimariktapash llaktaywanachirka llamkaymanta llukshichirkapash, Mamakamachiypi shuktak kamachiykunapipash rikuchishkata mana paktashpa llamkashkamanta, kayshina paktaykunaka mamakamachiypak 131 niki killkapi shinallatak Ley Orgánica de la Función Legislativa (LOFL) kamachiypak 85 niki killkapi rikuchishkata katishpami llamkarkkuna.
Kay 907 niki rimanakuy kutin kallarishka kipami, pushanapak minkarishka, Viviana Veloz, killkakamayuktami abogada Elcy Celi, llamkaymanta anchurinapak mañashka killkata riksichichun mañarka, payka Mamallakta Tantanakuymanta minkashkami Consejo de la Judicatura katik rimarik karka, nañaytaka Consejo de Participación Ciudadana y Control Social tantanakuyta pushakman kachashka karka.
Kay Llaktay Ñawinchiy rimanakuy ishkay kutinpi kallarirka, rimanakuyta katirkakuna, pichka kamachi killkakunami rimarka, paykunaka Juan José Morillo shinallatak Fausto Murillo Fierro runakunata llaktaywanachina shinallatak llamkaymanta llukshichina nirkakunami.
Llaktaywanachiy paktachunka ñawinchiyman kayak, Carlos Vera Mora kamachi killkakmi mañarka, doctor Juan José Morillo runaka mana pakta llamkashka, pushakushpa ushaywan mañayta chayachishkata riksishkanchik nirka, shinallatak Fausto Murillo Fierro runaka shuktak mana pakta llamkaytapash charishka, pay ushanata yallishpa yaykurishka nirka; kamaypi llamka ayllukunapak killan kullkita mana pakta churashka; llakta markakunapi kamay wasikunata kunkarishka; shinallatak, kamay wasita Portoviejo kiti, Manabí markapi kunkarishka nirkapash.
Yuyarinami kanchik, LOFL kamachiy rikuchishka shina, llaktaywanachiy shinallatak llamkaymanta llukshchiyka llaktapak llamkanata ishkay watatami harkachishka kanka.
Yuyarinakushka killkapika kay ñawinchiy killkapi tukuy riksishkata Fiscalía General del Estado llamkaywasiman chayachinapak yuyaypaktarirka, kaypika llaktapak llamkak ayllukunata wanachinapak tukuy taripayta kallarichin mañarka, shinallatak Contraloría General del Estado tantanakuy, shuktak llamkaywasikunapash, rikunata charishpaka riksichun chayachina nirka.
Shinallatak, kaypi llaktaywanachishka shinallatak llamkaymanta llukshichishka ayllukunaman willayta chayachina; shinallatak Registro Oficial killka shinalayashkata willachinapak chayachina nirka.
"Kunan puncha Mamallakta Tantanakuyka Consejo de la Judicatura tananakuypi kamayta kurin paktan", Mamallakta Tantanakuyta minkashka pushakuk Viviana Veloz, kashna nishka kipa, 907 niki rimanakuyta wichkarka.
EG/pv/cg-k
Ashtawan shuyukuna:
