Mamallakta Tantanakuypi tukuy kamachi killkakkunami,. 113 ari apushitaywan, “Benemérito” shutita Cuerpo de Bomberos “Coronel José Antonio María García Pinargote”, kay Portoviejo kitimanta tantanakuyman chayachirka, paykunapak llamkay 136 watakuna paktashkamanta, pakta pakta, sinchita, atirishpa, kullkillata mana mutsushpa, yanapashpapash; kayshina llamkaywan kunanpi kawsakkuna shamuk pachapi kawsakkunapash katinaklla kachun.
Kay Cuerpo de Bomberos de Portoviejo tantanakuyka llaktayukta yanapanapi anchatami paktarishka, ima llakikuna tiyakpika utkami chayashka shinallatak yachakkunashinami yanapashkakuna. Paykunapak llamkayka llakikunapimi paktarin shinallatak llaktayukunata yanapanami ayllukunapak kawsaypi achkata kimirishpa sakirin.
Kay tantanakuytaka Portoviejo kitimanta riksishka ayllukuna tawka llamkaypi kimirishkamanta wiñachirkakuna, kay tantanakuy llamkayta kallarichunka paykunami mutsushkata rantirkakuna.
Kunanpika munaymanta ninatasnuk 69 ayllukunami : 58 karikuna shinallatak 11 warmikuna, paykunami yachashkawan shinallatak munashkawan kay kitipi ima llakikuna rikurikpi ayllukunata pakta yanapan, tukuy paykunapak llamkayta sakishpa shinallatak kikin kawsay wakllirinamanpash kichkiyashpa. Chaymantami, Kamachi killkakkunaka paykunapak sumak llamkayta, munayta shinallatak hatunyachishpapish "Benemérito" shutita unanchashpa paykunaman chayachirka.
Alexi Reyes, kay Cuerpo de Bomberos tantanakuypak kallari pushak, mushuk Mamallakta Tantanakuypak llamkayta riksirirka shinallatak nirkami ñukanchikpak wiñaykawsayka Manabí markapak kawsaypak paktami kan, kay raymi killami ishkay patsak watakuna kawsay paktashun, shinallatak kay tukuy watakunata paktami munaywan utkashpa llaktayukta yanapaypi llamkashkanchik shinallatami katishun nirka.
MV/pv/cg-k
Ashtawan shuyukuna:
