Yuyakkapi llamkaypi chikanyachiyka ayllukunata mana pakta hapikpimi rikurin, watakuna charishkamanta, kayshinka llamkayman mana pakta kayachin, llamkaykullkitapash ashayachin, llamkaypi wiñashpa katinatapash harkachin wakinpika llamkaymanta anchuchin.
Kay, wanra 5 puncha, Mamallakta Tantanakuy shukniki rimanakuypimi wamrarakkunapak llamkaypi paktakay tiyanata sumaychanapak riksirkakuna, shinallatak kayshina ayllukunapak ashtawan llamkaykuna tiyanapakpash kayachirkakuna.
Kay kamachiyka shuk llamkachik 25 llamkakkunata charishpaka llamkachun, shukllatapash, chunka pusak (18) watayukkunata shinallatak kimsa chunka (30) wata uriman charikta, ashtawan; chusku chunka (40) wata yalli chariktapash kari warmi pakta kashkata rikurashpa yaykuchinami kan, kay kamachiy llukshishkamanta ashtawan mirachishpa katinkapak.
Ishkay wata kipaka tukuy llamkakunamanta 1% patsakmi kana kan, kimsa watakuna kipaka 2% patsak shinallatak chusku watakuna kipaka 3% patsak, pichka watakunapika 4% patsakmanmi tukuy llamkakkunapurapika chayanka, kayshina patsak yupaymi shamuk watakunapika paktarinka.
Kay Derecho al Trabajo Minkarishkata kipapushak, Marcela Holguín, kay kamachiy rurana killkata chayachik riksichikpash, kamachiywanka llaktapi yuyak kashkamanta llamkaypi ama chikanyachiy tiyachunmi rikuranka, chaymantami kamachiypi paktarishpa shinalaltak llaktapak kawsayta rikurashpa paktarina kan. Kay hatun unkuyka 2022 watapi yallishka kipa, 40 watayuk shinallatak 65 watayuk ayllukunaka, kimsamanta shukllami llamkayta charin, kayshina llakika wamrakunapakpashmi.
Willarkapashmi kay Instituto Ecuatoriano de Seguridad Social tantanakuypak yupaypika wamrakuna kimirishkami 50 waranka ayllukunaman kay 2019 wataka urmashka. Wamrarakkuna llamkay illaklla kanaka ashtawanmi tukuy llaktapika, nishpaka 8% patsaklla, 5 ayllukunami 10 ayllukunamanta llamkayta mana charinkuna.
Ka kamachiywanka Ministerio de Trabajo llamkaywasi llamkakwasikuna 40 wata yalli charik ayllukunata, sukta killa yallitapash llamkayman kayachun munachichun; llaktapi llamkayta wiñachinapakka wanachinamanta munachinaman yallina kan; kay Instituto de Seguridad Social tantanakuyta wamrarak llamkakkuna mirachishpa sinchiyachina; shinallatak, 40 wata yalli charik ayllukuna mana pakta llamkay chariktapash kutin kimichina.
Ka yrimaykuna "ñami yuyak" nakashpaka "llamkakpura paktarinapak llakita charinkami", kayshina rimaykunaka OMS tantanakuypak rikuypika llamkakta chikanyachiymi kan, kashnami Gustavo Mateus kamachi killkakka kamachiyka llamkaykunatami mirachin shinallatak ayllukuna pakta llamkayta charichunpash kayachin shuktak llaktakunawan pakta pakta kankapak nirkami. "Ñami pachakuna chayamushka llamkakunata ukllanapak paykunami llaktapak kullkillamkayta charirayan , kay llaktapi shinallatak istallaktapipash, sinchita llamkashpa" nishpami puchukarka.
Rimanakuy wichkaypika, shukniki kipapushak, kay rimanakuyta pushakuk, Eckenner Recalde kamachi killkakka kay kamachiy rurana killkaka Derecho al Trabajo Minkarishkaman tikranka kaypi yuyaykuna tantachishkata allichinkapak shinallatak ishkayniki rimanakuypak llamkaywillayta allichinkapak, nirkami.
RSA/pv/cg-k
Ashtawan Shuyukuna:
