Mamallakta Tantanakuy kay kullka punchaka ishkay rimanakuypimi llamkanka. 08H30 pacha tutamantaka N.º 909 niki rimanakuytami charinka, kaypika Día Internacional de la Mujer punchatami yuyarinakuna; shinallatak 10H30 pacha tutamantaka N.º 910 niki rimanakuypimi Leyes de Seguridad Social y del Banco del Instituto Ecuatoriano de Seguridad Social kamachiyta ishkayniki rimanakuypi riksinkakuna, llaktayukkunami mañayta chayachirka.
Kay 909 niki rimanakuyka Mamallakta Tantanakuyta shukniki kipapushak, Viviana Veloz, rimarishkawan kallarinka, payka Día Internacional de la Mujer puncha kay 8 puncha pawkar killa watan watan yuyarishkatami riksichishpa kallarinka; kipamanka abogado Paulo César Gaibor runami punchata yuyarishpa hatunyachishka kanka. Shinallatak Kamachiy Awllimanta yuyarishka killkatami llaktayukpi riksirishka warmi ayllukunaman chayachinkakuna.
Kay yuyarinakuna raymika, Rosa Belén Mayorga, kay Grupo Parlamentario por los Derechos de las Mujeres tantanakuyta pushak rimashkawanmi puchukanka.
Iess shinallatak Biess mushukyaymanta
Kay 910 niki rimanakuypika, kamachiy killkakkunaka Ley de Seguridad Social shinallatak Ley del Banco del Instituto Ecuatoriano de Seguridad Social kamachiykuna mushukyachinata rimarinkakuna, Derecho al Trabajo y a la Seguridad Social Minkarishka allichishka llamkaywillaypi kimirishpa.
Kamachiy rurana killkaka, llaktayukkuna chayachiskapika, Consejo Directivo del IESS wankuriyman killkarishka ayllukunapak shinallak llamkakkunapak minkashka ayllukunata pakta akllashpa shutichinamanta, pushakkunata apushitay akllaywan, ayllukuna chayashpa akllachun, tukuy killkarishkakuna (charishka, kutichinapash) shinalaltak llamkak killkarishkakunapash.
Kamachiy rurana killkapika, kay Consejo Directivo del IESS wankuriyka ishkay kallarik shutichishkakunawan shinallatak paykunata kutikkunawan tukuy killkarishka ayllukuna akllashkamanta shutichishka, shuk kallarik minkashka katik ayllupash samakuk ayllukunamanta shutichishka; shuk kallarik minkashka katik ayllupash tukuy killkarinatak ayllukunamanta akllashka; shuk kallarik minkashka katik ayllupash kay Ministerio de Trabajo tantanakuymanta paykunaka llakta llamkachikmanta akllashkakunami kanka.
Kamachiy rurana killkapika Directorio del Banco del IESS pushak akllanata mushukyachinapashmi kimichishka, kaywanka Consejo Directivo del IESS wankuriy rikushkami kanka; shinallatak Ministro de Economía y Finanzas llamkayawasipak shuk puchukay mañashka, katipika Director General del IESS pushakkuna Llaktamana IESS tantanakuyman kutichina kullki kipayashkata yuyaypaktarinami churashka kan.
Kay kamachiy rurana killkata llaktayukman riksichiykuypika Derecho al Trabajo Minkarishkaka 41 ayllukunatami llaktayuk rimarinapi chaskirka kaykunamanta, mañayta chayachik, Henry Llanes, yachak kamachi killkakuna, tawka llamkaywasikunamanta minkashkakuna.
RSA/pv/cg-k
