Mamallakta Tantanakuyta pushak, Henry Kronfle, kipapushakkuna, Viviana Veloz shinallatak Eckenner Recalde, kay Mamallakta Tantanakuyta pushakkunaka kay samana pachakuna ukupi 26 punchamanta 09 puncha aymuray killa, 2024 watakama llamkashpa katishunmi nirka.
Kamachiy Awllita pushakka Consejo de Administración Legislativa wankuriymi samana pachakunata arinirka, Mamakamachiypak 123 niki killkata, shinallatak Ley Orgánica de la Función Legislativa (LOFL) kamachiypak, kanshi millka killka, 124 niki killka rikuchishkata paktashpa, kaypika wata llamkaypika ishkay kutin 15 punchakunatami samanapak charinka nin.
Chaypakka Killkakamayukmanta, LLamkachikmanta, yanapakkunamnata shinallatak Mamallakta Tantanakuyta pushana ukumanta, tukuy kaypi llamkakkuna samachun pachakunata allichinka, paykunapak llamkaypi imalla mutsurishkata paktanapak rikurashpa. Nirkapashmi Kamachiy Awllikuna samana pachapika tukuy llamkachiymi harkarinka shinapash llamkana wasika paskashkami kanka.
Samana pachakuna paktakukpika tukuy ruraykuna nakashpaka chayachinapak churashpa pachakuna, llaktay ñawinchiypak mañashka pachakuna, kishpichinapak, kunarinapak, huchachinapak, mirachinapak, shinallak Mamakamachiyta ashallata mushukyachinapak pachakunapashmi harkarinka; kamachiykuna paktarishkata katirana shinallatak taripana; ñawinchinapak ruraykuna, kamachiy awllipi katinapash, shinallatak tukuy llamkay paktarichun shuktak ruraykunapash harkarinka, kay kullkimanta ruranapak chayachishka kamachiy rurana killkapak churashka pachakunaka katinkami.
Shinallatak, Mamallakta Tantanakuyta pushakka, LOFL kamachiypak 124, 126 niki killkakunapi kimirishpa rimanakuy llamkay charinapak mutsurikpika tukuykunata kayachiy ushankami.
Puchukaypika, Shukniki kipapushak, ishkayniki kipapushak shinallatak Mamallakta Tantanakuyta pushakpash kay samana pachakunapika llamkashpa katinkami. "Mamallakta Tantanakuypak kimsa pushakkunaka paykunata yanapash katikkunawan makipurashpa llamkashpa katinapak yuyarishkanchik, shinaka Mamallakta Tantanakuyka mana harkarinkachu", nirkami.
RSA/pv/cg-k
Ashtwan Shuyukuna:
