Mamallakta Tantanakuyta pushak, Henry Kronfle, kay Cumbre del ParlAmericas rimanakuymanmi Washington, Estados Unidos llaktaman chayarka kaypika tukuy allpapacha llaktakunami kamachiy awllikunamantami rimanakunkakuna.
Kay ParlAmericas rimanakuyka kay América suyu llaktapura imalla mutsushkatami riksinkakuna; 35 llaktakunami killkarishka, kaykunamanta Ecuador llakta. Kay hatun rimanakuy Washington D.C. llaktapi paktarikuy pachaka Henry Kronfle kay Suyu llaktakunapak kamachi killkakkunwan, senadores runakunawan shinallatak Organización de Estados Americanos tantanakypak killkamayuk, Luis Almagro, runawanmi rimanakunka, kaypika tawka yuyaykunatami riksinkakuna kayshina, llakichiyta harkanapak, llaktapi kawsiklla kawsanamanta, shinallatak runapak hayñikunamantapash, kay yuyaykunaka kunanpi ñukanchik llakta atiriy himpapuraypi kawsakushkamanta rikushpa.
Shinaka Nueva York llaktapi, kay 14 puncha pawkar killa, Mamallakta Tantanakuyta pushakka yuyarinakushka killkatami, arininkakuna, Suprema Corte del Estado de Nueva York tantanakuypi kay kutin shukniki kamak Ecuador llaktamanta, Carmen Velásquez, akllarishkawan, paywanpashmi achilla llamkanamanta shinallatak llakichiyta chimpapuranamanta rimanakunka; ashtawnka Ecuador llakta ayllukuna Estados Unidos llaktapi tantarishwan rimanakunka, kaypika llakta pushakmanta Concesión del Estatus de Protección Temporal mañashkata ashtawan sinchiyachinkapak, kayshina Ecuador llakta ayllukunata kay llaktapi yanapankapak.
Pushak Kronfle runaka kay Suprema Corte de Nueva York wankuripak 7 kamak runakuna rimanakuyman chayanka, paykunawanka Ecaudor llaktapi kamay imashina paktanapi makipuranata rimanakunka.
Kayshinami, Ecuador Mamallakta Tantanakuyta pushakka Estados Unidos llaktapi llamkayta puchukanka, kay 3 punchapi hatun rimanakuykunapi shinallatak tantarikunapipash llakmkaywasipura makipurankapak, achilllakta, kasiklla kawsanapak shinallatak kay llaktapi suyu llaktakunapipash llakichiyta chimpapuranapak.
