Mamallakta Tantanakuy, 91 ari apushitaywanmi, Comisión Especializada Ocasional de Economía Popular y Solidaria Kunanpaklla Minkarishkata wiñachishpa arinirka, Ley Orgánica de la Función Legislativa kamachiypak 24 niki killkapi rikuchishkata paktarishpa, kaypika Consejo de Administración Legislativa (CAL) wankuriyta nakashpaka kari warmi kamachi killkakkunatami, ashalla pachapak yachak minkarishkakunata wiñachichun rikuchin, mutsurikpika shinallatak kay yuyaykuna tiyakuk minkarishkakunapi mana rikuy paktarishkatami allinta riksichina kan.
Kunanpaklla Minkarishkapika kay kamachi killkakkunami sakirirka: Marcelo Achi, Patricia Núñez, Bolívar Mieles, Jorge Álvarez, Esperanza Moreta, Yadira Bayas shinallatak Paúl Buestán kamachi killkakkuna, paykunaka kullkillamkaypak mutsurishkata, llakta wiñarinata shinallatak llaktayukta kimichinata ñawinchinka shinallatak allichinapakpash yuyaykunata mashkanka. Kay Minkarishkaka 180 punchakunatami llamkanka shinallatak, mutsurishpa katikpika CAL wankuriy pachakunata mirachiy ushanka.
Marcelo Achi, mañayta riksichik, kay economía popular y solidaria paktayka ayllukuna riksishkami kashka shinami Ecuador llaktapi 2008 watamanta kimsa niki paktaypimi kashka. Shinami, tawka kullki wasikunapak llamkay alli paktakushkata riksinkakuna, kayshina mana rikuy tiyashkamantami tawkakuna urmashkakuna, kaypi kullki wakichikpak charishkata wakllichishpa. Kay minkarishkata wiñachinaka tukuykuna sinchiyachun shinallatak kawsashpa katichunmi sumaychan.
Rimanakuypika, Andrés Briones kamachi killkakka kay economía popular y solidaria llamkayka wakllirinallami kawsakun chaymantami llaktamanta llaktaywan yanapana mutsurin. Kayshuk manyamantaka, Patrcia Nuñez kamachi killkakka kay economía popular y solidaria ruraykunaka kullkita charikkunapak yuyaymanta chimpapurashka yuyaymi, kayshina llamkaywanka llaktayukkuna makipurashpa llamkayta, chaparayta tukuykuna allikanapak paktaymi kan, nirkami.
Chaykamaka, Cecilia Baltazar kamachi killkakka nirami economía popular y solidaria llamkak tantarikunapak llamkayta chaparanami kan, mamakamachiy rikuchishkata katishpa kaypika kari, warmi, wamrakunapash pushakushka tantanakuykuna sinchiyanami kan nishpami rikuchin. Puchukaypika, Eustaquio Tuala kamachi killkak, kay Superintendencia de Economía Popular Solidaria tantanakuyka runa ayllukunapak kullkiwasikuna llamkashkata chaparashpa llamkakushakta riksirirka, kayshina alli llamkaywanmi llaktakuna wiñariypi pakta yanapashka, nirkami.
MEV/eg/cg-k
Ashtawan Shuyukuna:
