Kunan, Guayaquil kiti Casa Legislativa wasi ukupimi, kay Orgánica para la Igualdad Salarial entre Mujeres y Hombres en Ecuador kamachiyta llaktayukman riksichirkakuna. Rimanakuymanka llaktayuk wankurikuna, shinallatak kay llaktapi kari warmi pakta kanapi llamkak ayllukunapashmi chayamurkakuna.
Mamallakta Tantanakuyta pushak, Henry Kronfle, kay kamachiy ruranapak yuyaykuna chayachiktami naparka samincharkapash. Kari warmi pakta llamkaykullki chaskina yuyayta yallishpa, kamachiyka shamuk wamrakuna pakta pakta hayñikunata charinapak, riksinapak, sumaychanapakpashmi mashkakuna nirka, kayshinaka kamachiywanmi kari warmi kashkata ama rikushpa llamkaykullkita paktanapak churashka, nirka.
Cinthia García kamachi killkak, warmikuna chikanyachishkata anchuchinapakmi kamachiyka allichishka kan, kari warmi pakta llamkaypi kakpi chayshinallatak chanita paktanapak chaskinapakpash. Kari warmi pakta kanapak atirinakuy katinkami kayshinami warmikunapak kamayta charinapi ruraykuna kan.
Kamachiyka tukuy llamkachikkuna, llaktapak shukllapak kashpapish, paykunapak llamkak ayllukunaman pakta paktami llamkaykullkita chayachina kan, kari warmi kashkata mana rikushpa, chayshinallatak llamkaypi paktarikukpika.
Taripaykunata kutichikukpi, Mamallakta Tantanakuyta pushakman llaktayukkuna shinallatak warmikunamanta rimarikkunapash tapuyta chayachirkakuna. Kronfle runaka kari warmi pakta kanapak llamkaywan katikuna nirka, shinallatak kari warmi pakta kanapak hayñikunapi llamkashpa katinapi yanapayta chayachinapak kutinpash arinirka.
Mamallakta Tantanakuypi llamkashkata ashtawan yachankapakka, kay llamkaywasipak llikapankaman, ayllu llikayman, shinallatak willachik antakunamanpash yaykuy ushanchik. Kallari kimsa killa llamkaypika 600 kamachiy rurana killkatami tantachishkanchik, 15 kamachiykunata arinishkanchik, ishkay llaktay ñawinchiyta rurashkanchik shinallatak China, Costa Rica llaktawan yuyarinakushka killkata arinishkanchik. "Kayshina llamkaykunaka tukuymanta hayñikunawan pakta chayanapak llamkaykunami kan", kashnami Henry Kronfle nirka.
SJ/pv/cg-k
