Mamallakta Tantanakuypi chaypi kak tukuykunami arinirka, 126 ari apushitashkawan, Jahiren Noriega kamachi killkak chayachishka yuyarinakushka killkata, kaywanka LLakta pushaktami kay Sistema Nacional Integral para Prevenir y Erradicar la Violencia contra las Mujeres llikata utkashpa yanapanapak kayachin.
Kay mañaywanka ñawpakman riksichishka Llaktapi Llika, llaktapak 15 llamkay wasikuna yalliwan wankurishka, llaktaykunata wiñachinapak kullkita chaskichun, akllashka kamayta chayachinapak, kayshina Ley para la Erradicación de la Violencia de Género kamachiyta alli paktachinapak.
"Kay 2023 watapi llamkashka riksichiypika, Fiscalía General del Estado willarkami, kulla killamanta kapak killkama 26.720 yuyaypi llakichiykunata, shinallatak 9.241 yumaypi llakichiy huchachishkatami chaskirka" nirkami. Ashtawanka willarkapash, "Ministerio de Economía llamkaywasika, 2022 wata shinallatak 2024 wataka, Ministerio de la Mujer y Derechos Humanos llamkaywasipak llamkaykullkika 8 hunu dólar kullkipimi ashayarka".
Kay rimanakuypika Sofía Sánchez, Gissela Garzón, Carmen Tiupul, Jhajaira Urresta, Rosa Mayorga, Nathaly Morillo, Ana Galarza shinallatak Pedro Velasco kamachi killkakkunami yuyayta chayachirka, paykunaka nirkami karikuna wakllichiyta chimpapuraypika mayhan llaktaymanta kashkata mana rikuna kanchikchu.
Ashtawanka, kayshina yuyaypaktarishkawanka warmikuna pakta kawsayta mana wakllichinapak sumaychaymi kan shinallatak kamaypash paktarichun llakichishka warmikunatapash yanapachun, nirkami.
Kay yuyarinakushka killkapika, Llaktapak llikapi tinkirishka tukuy llamkaywasikunami yanapayta chayachinka shinallatak utkashpa yanapaypi llamkanapakpash paktarinkakuna, nirka.
Shinallatak Ministerios de la Mujer shinallatak Economía llaktapak llamkaywasi pushakkuna ñawirichunpash rikuchun, paykunaka Sistema Nacional Integral para Prevenir y Erradicar la Violencia contra las Mujeres kay llikapi llamkanapak kullkita chayachinamantami willankakuna.
Llaktayukkuna Rimariy
Kallaripika, Mamallakta Tantanakuyka Geraldina Guerra, kay Fundación ALDEA tantanakuyta pushak shinallatak Lola Valladares, ONU Mujeres wankuri pushakkuna rimashkatami uyarkakuna, paykuna nirkami yallik wata puchukankama, Ecuador llaktapika 321 warmikunami wañurka, shuk 27 sayllakunapi.
"4 wawakunami 10 warmi wawakunamanta shinallatak 10 warmikunami yumaypi llakichishka kankuna. Warmikunaka llakiyanallami kawsakunchik chaymantami Ecuador llaktamanta llakikunata chimpapuranapak kullki chayachichun mutsunchik" kashnami, Geraldona Guerra nirka.
Shinallatak Lola Valladares warmika llamkaywasipurami Ley para la Erradicación de la Violencia de Género yuyaypaktarishpa kay kamachiyta paktachinapak llamkana kan, nirkami
CV/pv/cg-k
Ashtawan Shuyukuna:
