Mamallakta Tantanakuypak N.º 915 Niki rimanakupi, Chimborazo markamanta, Patricia Núñez kamachi killkakka puncha llamkay mushukyayta markaka, kaypika Alausí llaktapi, 26 puncha pawkar killa 2023 wata llakitukushka ayllukunaman yuyarinapak shuk killkata arininkapak.
Shuk yuyarinakushkata chayachishka kipa, kay killkawanka 26 puncha pawkar killata kaypi wañushka ayllukunata yuyarinapak mañaymi kan.
"Wasi ayllukuna llakiyashka, shinallatak kuyashka ayllukunata turupi mashkayta yuyarinaka sinchimi kan", nirka. Llakta ñawpa pushak, Guillermo Lasso runata shinallatak paywan llaktapak llamkaywasi pushakkunata huchachirka, "Alausí llaktapi llakikunata mana pakta yanapashkamanta".
Mamallakta Tantanakuyka kay 26 puncha pawkar killa 2023 watata Alausí kitipi llaki tiyashkata yuyarirkakuna, shinallatak kay llakipi wañushka ayllukunatapash yuyarirka. Llakta pushaktami kay 26 puncha pawkar killata llaktapi nanay puncha nishpa shutichichun mañarka, Alausí llaktapi allpa suchiripi wañushkakunata yuyarishpa.
Llakta pushaktami MIDUVI tantanakuywan, kay Alausí llakta llakipi wasita chinkachik ayllukunaman wasita chayachinapak imashina paktarikushkata riksichichun mañarka shinallatak Salud Pública llamkaywasimanta, Alausí llaktapi hampina wasita wasichinapak pakta riksichichun, ima pachapi paktarinata, mashna kullki mutsurishkata shuktak riksinakunatapash willachun, kayshian llakipi kawsakuk ayllukunapak hayñita kallaripi churashpa.
Patricia Núñez tukuy kamachi killkakunata yupaycharka kay mañayta hapishpa Alausí llaktata yanapashkamanta, shuk watata kunkarishka kawsakushkamanta.
KC/pv/cg-k
Ashtawan Shuyukuna:
