Mamallakta Tantanakuypi, 73 ari apushitashkawanmi, kay 2024 wata llakta llamkaykullkita rikuchik pankata shinallatak 2024-2027 chusku watapak kullkillamkay kullkita arinirka. Shinaka, Llakta pushak, Daniel Noboa Azín, 10 punchakuna ukupi, tukuy rikuchishkata hapi ushanka shinallatak mushuk llaktapak kullkillamkay pankata kachanka, kallaripi kachashkata hapichun kutin mañanka, kay Ley Orgánica de la Función Legislativa (LOFL) kamachiypak 103 niki killkapi rikuchishkata katishpa.
Kay Régimen Económico Minkarishkata pushka, Nathalie Farinango kamachi killkak 2024 llakta llamkaykullki panka charishkata riksichirka, 35.536 hunu dólar kullkiman paktan, Mamakamachiypi shinallatak kamachiykunapi rikuchishkata paktan. Llaktapi mutsurishka kullkita alli riksishkami kan, nirka.
Kay rimanakuypika, pushak kamachiy killkakkunami rimarirka, Llakta pushak llamkaykullki rikuchishka pankamanta allimi nishpa shinallatak mana allichu nishpami chimpapurarkakuna, ashtawankarin llaktayukpak hayñita wakllichikun nishpa, hampinapak shinallatak yachaypak mamakamachiy rikuchishkata mana paktakun nirkakuna.
Shinallatak tantarishpa llakichikkunata chimpapuranapak kullki chayachina yupaykunata achikyachina nirka, kay kullkika Mamallakta Tantanakuypi kullkimanta rurashka kamachiykunamanta chayachishka, manu kullki tantachina mirashka, kay yupaykuna llaktapak llamkaykullki pankapi mana rikurin, nirkakuna.
Unanchay
Kay 915 rimanakuy kallarina ñawpa, Mamallakta Tantanakuyka Adalberto Ortiz shuti unanchata Mérito Cultural riksirishpa Charijayac takikkunaman chayachirka, paykunaka 40 watakunatami Ecuador llaktapak kawsayta takita riksichishpa llamkashkakuna. Kay wankurimanta shuk aylluka, Mamallakta Tantanakuyta yupaychashpa kay 40 watakuna llamkayka alli kashpapash sinchi purinami karka; shinami llaktapak kikin kawsayta riksichishpa ayllukunaman shuyaytapash karashkanchik, nirkami.
EG/pv/cg-k
Ashtawan Shuyukuna:
