Mamallakta Tantanakuyka, 83 ari apushitaywan kay Ley para el Fortalecimiento de las Actividades Turísticas y Fomento del Empleo arinirka, kay kamachiytaka kullkimanta utkashpa ruranapak shutichishpa chayachishka karka, kaypika llaktata riksishpa llamkaypi manu kullkita shinallatak llamkay kullkitapash shuktayachin.
Kay mushuk Mamallakta Tantanakuypika, kunan punchakama chunka kanchik kamachiytami Ecuador ayllukunata yanapachun arinishka.
Valentina Centeno kamachi killkak, Desarrollo Económico Minkarishkata pushak, nirkami "llakta riksichish llamkayta sinchiyachinaka llamkayta wiñachinami shinallatak Ecuador llakta wiñarichun, Ecuador llakta ayllukuna kullki yanapaywan llakta riksichina llamkaypi sinchiyachun, llamkaykullki illashkapi yanaparichunpash".
Ka kamachiyka 8% patsakman killa manukullkita (IVA) ashayachichun, kay Ley de Turismo kamachiypi rikuchishka llamkaykuna paktanapi. "Kayshina ashayayka chaska inti punchakunami tukuy llaktapi samana punchakuna ashayachishka kanka, shinapash 12 punchakunata mana yallinkachu", nirkami.
Shuk hatun yuyaykunapika, samana wasikuna, llakta riksichikkunapash kikinmanta llamkanapak antawata charinapakmi yanapan, Registro Nacional de Turismo pankata rikuchishka kipa, shinallatak llaktapi, mintalaypi llamkay mana kakpi.
Kaypika 14 kamachi killkakkunami rimarirkakuna, paykunaka kay kamachiyka wakllirishka ayllukunatami llakta riksichiiy llamkaypi yanapanka nirka, chaymantami kayshina yanapaywan llakta riksichina llamkayta sinchiyachishun, nirkapashmi.
Rimanakuypika nirkami llakta riksichina llamkayka llaktapak anchami mutsurin nirka, kay llamkaypika ishkay waranka hunu dólar kullkimi watami chayan shinaka Ecuador llaktapi punkaramanta chayashka kullkimanta kimsapi rakishka paktami.
Kay kamachiyka llakta riksichishpa tukuy tinkirishpa llamkaktami yanapan, llakta uku riksinata sinchiyachin, kayshinaman paktarikkuna mirachun, llamkaytapash mirachin shinallatak llaktayukkunapak llamkayman paktariy ushan.
Riksinata puchukashka kipaka, tukuy kamachiy killkata arininapak mañashka, Valentina Centeno kamachi killkak riksichishka, arinishkami karka, shinaka kay kamachiy killakta LLakta pushakman rikuchun, arinichunpash yallichinka.
LLaktayuk Rimariy
Llaktayuk rimarina pachakunapika, Fedotaxi, Fenacotrali, Jorge Calderón shinallatak Napoleón Cabrera pushakkunaka kikinamanta llamkaytaka pakta kamachiywanmi rikuna kan, kayshina mintalay llamkaypi ama urmachun, llaktata riksichishpa llamkakunata ama wakllichichunpash.
CV/pv/cg-k
Ashtawan Shuyukuna:
