Kay Kimichishka Registro Oficial N.º 525 killka, 25 puncha pawkar killa 2024 wata willachishkapimi, Fortalecimiento de las Actividades Turísticas y Fomento del Empleo kamachiyka llaktapi paktarinapak yaykurka, kamachiytaka Mamallakta Tantanakuypak tawka llaktay wankuriykunami kimirishpa arinirka. Kay kamachiywanka llaktata riksichina llamkayta sinchiyachinapak wiñachinapak hillaymi shinallatak llakta riksichina llamkayta sinchiyachinapak manu kullkita ashayachishpa llaktapi llakikunta chimpapuranapak yanapanka.
Chayapakka, llaktapak kullki pushaktami llakta riksichinapak llamkaykunata, ruraykunata shinallatak willachiykunata sinchiyachinapak mutsurishka kullkita chayachichun rikuchin.
Llakta riksichinapak, llakta riksichinata wiñachinapak mutsurishka kullkipi llakta kullkillamkayta chayachichun manu kullkita ashayachinatapash churashka, shinallatak antankakunapi purinapak yanapaypash churashka, llaktapi tukuy charishkata riksinata sinchiyachinapak, kayshinaka llakta riksina llamkayta wiñachinapak, llakta riksichinapi chani mirashkami kan, kayshina ayllukuna llakta riksinaman chayachunkuna.
Kay llakta shinallatak istallakta antankakunata kullkita karu llaktaman llukshichina (ISD) manu kullkita kishpichin, kayshina antankapak llamkayta alliyachinkapak; llakta riksichinata yachachik wasikunapak llamkayta kikinayachikpak manu kullkita chikanyachina, ima llamkay kashkata rikurashpa, shinallatak Mamallaktapi llakta riksina llamkayta Pushakkuna yachaywan riksichishkata katishpa.
Kay kamachiyka Autoridad Nacional de Turismo en el Consejo Nacional de Emprendimiento e Innovación pushaktami, llaktaykunata, ruraykunata, llamkaykunata kay tantanakuywan wiñachinkapak kuyuchinka, kayshina ruraykunawan tukuy llamkaykunata ñawpakman pushankapak, sinchiyachinkapakpash.
Kay Sistema Nacional de Contratación Pública paktarinapika shuk chikanyachishkata wiñachin, kaywanka pakta pakta, chimpapurashpa, achikllatak, kayachishpa, utkashpa, shinallatak llaktapash kimirishpa tukuy llakta charishkata riksichina yanapayta paktankapak.
MV-PV/cg-k
