Kay Ley Orgánica de Competitividad Energética kamachiyka llaktapi zirma illashka llakitami kullkiwan llamkay paktashpa, mushuk chuyta zirmata wiñachishpa shinallatak kaypi llamkakkunapak llamkayta utkachishpa yanapanapak mashkakun, ishkay killa yallimi kamachiy paktarinaman yaykushka shinallatak kay ashalla pachapi paktarinapak churashka killkakuna paktana pachakunapish kallpakunami, kay 11 puncha kulla killa 2024 watamanta, kay punchami paktarinaman yaykurka.
Kay Ley Orgánica del Servicio Público de Energía Eléctrica kamachiyta mushukyachik kamachiyka, manukullkita 100% patsakta chayachinata kunkarinapak rikuchin, llaktapak zirmamanta chanishka shinallatak llakta achikyachinamanta tukuy llaktapi rikurishkamanta, shinallatak puchukaypi chaskkunapakmantapash, llamkaykuna charikkunata chikanyachin. Kayshina yanaparinapakka, tukuy mama kullkitami shamuk 30 puncha raymi killakama chayachina kan.
Ashtawanka, paymantami 100% patsak mana kullkita shinallatak tukuy kutichina kullkitapash kunkarinka, llaktapi achikyachinapak paktarishkamanta kakpika, shinallatak 2016 watapi allpachukchuymanta ayllukunapak rikurishka kakpipash, Manabí, Esmeraldas markakunapi, llamkaywasikunata chikanyachishpa.
Shuktakmantaka, 120 punchakunapi, Comité de Comercio Exterior (COMEX) tantanakuyka, tarpunapak antawakunata chuya ushaywan llamkakkunata 0% patsak manukullkiwan kimichichun mañan.
Chaykamaka, Kay Ley de Eficiencia Económica y Generación de Empleo kamachiy mushukyachinapi, kipayashka tukuy nakashpaka chawpi manukullkita chayachichunmi mañan, kay manukullki SRI wankuriy chayachishka kakpi, shinallatak 31 puncha kapak killa 2023 watakama wiñarishka kakpika, 100% patsaktami manukullkipak wawakullkita, wanachina kullkita, kimichishka kullkitapash kishpichinka, mamakullkita chayachikpika. Chaypakka, shamuk 31 puncha raymi killakamami chayachina kan. Kayshina yanapaymanka Llakta pushak, kamachi killkakuna, shinallatak kuchulla wasi ayllukunapash mana kimiriy ushankachu.
Kay Ley del Servicio Público de Energía Eléctrica kamachiy mushukyachishkawanka, shuktak yuyaykunawanpash, Llakta pushakka makipurashpa llamkak wasikunata shinallatak shukllapak kullkiwan llamkakkunata, llaktamanta shinallatak istallaktamanta, economía popular y solidaria llamkaymanta, llaktapi kullkiwan zirmapi llamkakkunata shinallatak llaktapi achikyachishkamanta minkariy ushankami. Chashnallatak, kay Plan Maestro de Electricidad llamkayñanpi mushukyachina zirmawan llamkaykunatapash wiñachikukpi yanapanka.
Kay Ley de Competitividad Energética kamachiy, 28 puncha, panchi killa 2024 watamanta paktarikuk kamachiy paktarichun uchilla kamachiyka, kay kamaykuna tukuy chayachunmi rikuchin.
AM/pv/cg-k
