Kay Ley de Creación de la Universidad de Seguridad y Ciencias Policiales (USECIPOL) kamachiyka, tukuy llaktayukkuna shamuk pachakunapi kasiklla kawsanapak purishkami kan. Kaypika kasiklla kawsanta shinallatak chapakkuna mushuk yuyay llamkay paktanapakmi yachana wasita wiñachin.
Paktanapakka llaktayuk kasiklla kawanata yachaywan yanapakta yachanachinapakmi, shinallatak llakta kasiklla kawsanapak mushuk yachaykunata mashkanapak sinchiyachinapakpashmi. Quito llakta, Pichincha markapimi hatun wasika tiyarinka.
Llamkaypak mutsushka kullkika Ley de Educación Superior kamachiymanta, llamkay kallarinapak ruraykuna mutsushkamanta shinallatak kikin llamkaymanta wiñarishkamantami chayanka.
Llamkay kallarinapakka kay yachaykunami paskarin: Licenciatura en Investigación Criminal y Forense; Licenciatura en Gestión de Seguridad Ciudadana; y, Licenciatura en Inteligencia Estratégica y Prospectiva. Kay yachaykunaka Ley Orgánica de Educación Superior kamachiy rikuchishkata katishpa mirariy ushankami.
Ka yachanawasika llaktayuk kasiklla kawsanata shinallatak llaktay mushuk yachayta, pakta yuyaywan, llaktayukwan sumaychashpa, runapak kawsayta ukllarayashpa allinta yachakkunata paktanapakmi mashkakuna. Paktanakunaka mushuk yuyaykuna mashkanapi, yuyaykunata mushukyachinapi shinallatak istallaktakunawan kasiklla kawsana llamkaypi makipuranapakmi kayachin.
Mushuk yuyaykuna mashkanata shinallatak antanikichiktapash kasiklla kawsanapak paktanapak kayachin, kayshina mushuk yuyaykunata charinapak shinallatak llaktapi kasiklla kawsanapak allinta chimpapurana paktanapakpash.
Kay kamachiyka Mamallaktachiymanta kasiklla kawsanapi yachanata mushukyanata shinallatak kasiklla kawsanata ayllupura kawsanapash sinchiyachinatapash riksichin. Ashtawanka, llakta kasiklla kawsanapak tupuyachiyta yachachiytapash mirachin, kayshina shamuk pachakunapi llamkakkunaka XXI patsak watakunapi chimpapuranapak hayllikunata pakta charichunkuna.
MV/pv/cg-k
