Kay mushuk Mamallakta Tantanakuyka llaktamanmi uma hampirina kamachiyta chayachirka, kay kamachiyka ayllukuna uma allikayta ñawpashpa rikuchun, hampirichun shinallatak alliyachunpashmi yanapanka.
Kay kamachiyka, Registro Oficial killkapak 471 kimichishka killkapimi, 5 puncha, kulla killa 2024 wata riksichishka karka, kay kamachiywanka ayllukunami mana chanishpa, tukuymanta yanapayta alli alli rikushkawan Red Pública Integral de Salud hampina wasikunapi chaskinka; shinallatak, shukllapak hampina wasikunapipash unkushkakunaka yanapayta chaskinkakuna.
Hampinataka paykuna mutsushkata riksishpa. wasi ayllukunapak, llamkaypak, llakta ayllukunapak kuchullapimi chaskinka. Shinallatak ñawpaman, chaypi kakpi shinallatak hampirishka kipapishmi shuk wasi ayllu paywan kanka, paywan kak ayllukunataka yanaparikmi akllanka.
Chayshinallatak, uma allikanapak ruraykunata chaskinka kaypika umata wakllichinalla rikurikunatami taripashpa riksinkapash; unkuyta harkapak ruraykunata; hampirinamanpash tukuypi paktarinapak; shukllapak, llaktapak, llaktayukpak kakpipash, runa kawsaypak hayñita, yachay akllashkata, shinallatak tukuymanta rikushkatapash chaparashpa yanapanka.
Ashtawanka, unkuypi hampirinapak alli hampikunata, utkashpami mana chanishpa chayachinka, shinallatak munaymanta mana munaymantapash pitwihampirikukpipash shuk hampina yachakmi chaparashka.
Kunakpi nakashpaka ñawpapi uma unkushka aylluka llaktamanta, wasi ayllumanta, llamkaymanta kakpipash mana chikanyachishka kanka ashtawanpash paypak hayñikunata pakta paktami chaskinka, pay ushashkawan paktarishpa.
Kay aylluka kikinmanta hayñi paktarinata akllay ushankami nakashpaka hampirina imashina paktarinatapash akllay ushanka, paypak yuyaypaktarishka tukuy sumaychashkami kan, kay kamachiypi akllashkata katishpa.
RSA/pv/cg-k
