Mamallakta Tantanakuy llamkashkata llaktayukman chayachina yuyaywanmi, kay hunkayka Coordinación General de Participación Ciudadana wankuriyka, tawka llamkaykunata paktarka, kamachiykuna yanapayta riksichirka shinallatak llaktayukkuna ayllukunapash mañashkata chaskirkakuna.
Ashtawanka, llaktayukkuna chayachun punkuka paskashkami, Kamachiy Awlli wiñaymanta kawsayta riksichishpa pushaywanmi rikuchin. "Llaktayukwan pakta rimanakuy llamkaymi Kamachiy Awlli kay llaktapi kawsashkata riksichin", kashnami Larry Yumibanda, Participación Ciudadana wankurita pushak nirka.
Llaktayukman riksichina
Kamachiykunata shinallatak kamachiy ruranataka llaktapak kawka kuskapimi tantarirkakuna. Kay 1 puncha ayriwa killaka Orellana shinallatak Sucumbios marka Casa Legislativa wasipimi Ley Reformatoria a la Ley para la Planificación Integral de la Circunscripción Territorial Amazónica kamachiymanta ayllukunwan rimanakurka, kaymanka antisuyu llakta ayllukuna, runa llaktamanta ayllukuna, kayshina yanaparinata, pakta pakta chayanata mutsuk ayllukunami kari warmi chayamurkakuna.
Kay 02 puncha ayriwa killapika El Oro marka Casa Legislativa wasipimi Mamallakta Tantanakuy kamachiy ruranapi shinallatak ñawinchiy paktarinapi llamkashkata rimanakurkakuna, kaypika Plataforma 2.0 de Participación Ciudadana llika imashina paktarishkata riksichirkakuna, kay rimanakuypika Kamachiy Awlli llaktapak llamkaywan imashina paktarikushkatami riksichirka, yuyaykunatapash chaskirka.
Kaymanka Isla Costa Rica, Jambelí kitilli, Santa Rosa kitiman kimirisha llaktayukkunami chayamurka, paykunaka llaktayukuna chaypikanapak rikuchik kamachiy mutsurin chaytami rurana kan nishpa riksichirka.
Shuktakmantaka, kay 3 puncha ayriwa killa, Chimborazo marka Casa Legislativa wasipimi Ley de Salud Mental kamachiy, yallik 13 puncha kapak killa 2023 watapi arinishka, kay 05 puncha kulla killka 2024 watapi Registro Oficial kamaypi riksichishka kamachiytami llaktayukman riksichirka. Kay rimanakuymanka Colegio Pedro Vicente Maldonado yachakuk wamrakunami chayamurka, María Fernanda Araujo kamachi killkak chaypi karka.
Imbabura marka Casa Legislativa wasipika, 4 puncha aymuray killami, Ley Reformatoria a Ley Orgánica de Movilidad Humana kamachiyta riksichirka, kay rimanakuymanka Red de Mujeres Negras de Imbabura y Carchi, y la Unión Nacional de Mujeres del Ecuador, Filial Ibarra tantanakuykuna chayamurka. Kay rimanakuypika Ecuador llakta ayllukuna istallaktaman yallishka llakikunatami rimanakurkakuna
Chay punchallatak, Azuay marka Casa Legislativa wasipika, Código Orgánico Integral de Reactivación del Sector Agropecuario y Pesca kamachiytami, El Tablón llakta, Nulti kitilli, Cuenca kiti llakta ayllukunaman riksichirka.
Pushashpa riksichina.
Kamachiy Awllimanta makipurashpami llaktayukkunaman, sumakyachana wasikunamanta, yachana wasikunaman, wankurikunamantapash Mamallakta Tantanakuypak wasi rurashkata, shuyukunata, shinallatak makirurashkatapash riksichin. Kay yallik kullka punchaka yuyak mamakuna kay Grupo de Danza Sisayay Andino, San Bartolo kitilli, Quito kullasuyu llaktamanta takikkunami chayamurka, paykunaka Mamallakta Tantanakuy llaktata yanapash llamkaypi paktakushkatapash riksirkakuna.
WS/pv/cg-k
