Mamallakta Tantanakuyta pushak, Henry Kronfle kamachi killkakkmi Segundo Congreso Ecuatoriano de Derecho Parlamentario hatun rimarinakuyta kallarichirka, kay rimanakuytaka Mamallakta Tantanakuy shinallatak Instituto Ecuatoriano de Estudios Legislativos (IEEL) tantanakuymi pushakukkuna, kay chaska 26 puncha ayriwa killami paktarinka.
Kay rimanakuyka Salón José Mejía Lequerica wasi ukupimi paktarinka, 40 yachachikkunami chaypi kanka, paykunaka kamachiynamanta, ñawinchinamanta, llaktayuk chaypikanamanta shinallatak kamachi awlli paskashka kanamanta, taripanamanta shinallatak kamachiykunata katiranamantami yachachinka.
Henry Kronfle, yachachikkuna yachakukkunamanpash alli shamushka chayachishka kipa, kay Segundo Congreso de Derecho Parlamentario hatun rimarinakuyka Mamallakta Tantanakuypak llamkaykunata alli rikushpa yuyaypaktarinapakmi. Kunanpi pushakukkunaka llaktayukkuna chaypikachunmi ashtawan kayachinkuna shinallatak Mamallakta Tantanakuypi ashtawan riksirinaka tukuykunapak yuyaychayachishkata riksinami kan. Shinallatak, kamachi awllipak llamkayka kamachiykunata rurana shinallatak llaktayukkuna mutsushkata ashtawan riksichinami, ñawinchinapika, ashtawan achiklla paktashkata rukushpa llakta mutsushkapi paktarinami hatun yuyay kan. "Kay kimsa punchapi yachashkamanta yuyay tantachishkapika, Mamallakta Tantanakuy pakta Ecuador llaktayukman tukuylla, pakta pakta, utkashpa chayanami kan", ninmi.
Paymantaka, Libia Rivas Ordóñez, IEEL tantanakuyta pushak, Mamallakta Tantanakuy pushakta shinallatak llamakaypi kimirikkunata kay yachayman chayamushkamanta napayta chayachirka, Kay Congreso rimanakuyka kamachiymanta, ñawinchiymanta, kamachiy pashkashka kanamanta, kamachiykuna paktashkata taripaymanta shuktak yuyaykunamantapashmi kan nishpa yuyachirka, hatun yachak runakunawan, paykunami yachachinka, shinallatak tawka pashkashka kayachiytapash paktanka.
Universidad Espíritu Santo Sumak yachana Wasi shinallatak Mamallakta Tantanakuywan makipurashpami Congreso Ecuatoriano de Derecho Parlamentario rimanakuyka watapi shuk kutin paktarin, kunanpika kamachiyta alli paktachina kawsaytarpuy, kayshina yuyaykunami llamkanapak churashka kan, nirkami.
Ashtawanka tawka yachak runakuna kaypi rimarinapak kachashkamanta naparka, tukuy chayachishkamanta 40 killkakunatami akllashkanchik kay yuyaykunami kunan 2024 watapi paktarinap shinallatak 24, 25, 26 punchakuna ayriwa killa paktarinka,
EG/pv/cg-k
Ashtawan shuyukuna: