Mamallakta Tantanakuyta pushak, Henry Kronfle Kozhaya tukuy kamachi killkakkunatami kay chaska 24 puncha aymuray killa 2024 wata, 11h00 pacha tutamantapak, Kamachi Awlli wasi ukuman kayachirka, kaypimi Llakta pushak, Daniel Noboa Azín, kay watapi llamkashkata llaktayukman riksichinka.
Llakta pushakpak llamkaywillayka Mamakamachiypak 147 niki 7 yupay killkapi rikuchishkata paktashpami chayachinka, kaypika Llakta pushakmi Mamallakta Tantanakuyman watan watan, kay Plan Nacional de Desarrollo llamkayñan katikushka shinallatak shamuk watapi imalla paktana churashkata riksichinka nishpa rikuchin.
Kay "Nela Martínez" wasi ukupi puncha llamkanapak churashkapika pusak ruraykunami rikurin: Mamallaktapak wiphala yaykuna; Ecuador mamallatapak hayllita takina, 24 puncha aymuray killa 1822 watapi atirik ayllukunata yuyarishpa upallayta takina; Mamallakta Tantanakuyta pushak, Henry Kronfle Kozhaya, rimarina; Llakta pushak, Daniel Noboa Azín, llakta ayllukunaman willayta chayachina; San Francisco de Quito kitipak hayllita takina; Mamallaktapak wiphala llukshina; shinallatak pushakkuna llukshinapash.
AM/pv/cg-k
