Mamallakta Tantanakuypika 88 ari apushitaywanmi, Comisión Ocasional Multipartidista Minkarishkata wiñachirkakuna, kaymi Llakta pushakmanta chayachishka kamachiy rurana killkakunata riksishpa allichinka, kay ruraykunaka llaktayukkuna kay Consulta Popular shinallatak Referéndum taripay 21 puncha aymuray killa 2024 watapi arinishkata paktachishpa. Kayshina yuyayrinakuymanka Consejo de Administración Legislativa wankuriy kay chaska 17 puncha aymuray killa yuyaypaktarishkata katishpami rikurkakuna.
Kay Minkarishkapika paykunami akllarishkakuna: Carlos Vera Mora, Steven Ordóñez, Lucia Posso, Patricia Mendoza shinallatak Catalina Salazar. Paykunapak llamkayka 45 punchakunapimi kimsa kamachiy mushukyachinapak Código Orgánico Integral Penal (COIP), Ley Orgánica de Extinción de Dominio kamachiykunata, llaktayukta taripashka 2, 3, 4,6 tapuykunamanta riksinkakuna.
Vicente Taiano kamachi killkakka, kay minkarishka wiñarinapak mañayta chayachik, nirkami kay Kamachiy Awllika, Llakta pushakwan makipurashpa, llaktayuk mañashkatami utkashpa kutichina kan shinallatak Ecuador llakta llakipi kawsakushkata utkashpa allichinkapak, nirkami.
Unchankaykunata chayachishka
Kallarina ñawpaka, Mamallakta Tantanakuymi Matilde Hidalgo de Procel unanchata artista plástica Brenda González ruraman kararka, llaktapak maki ruraykunapi wiñaypak shutita sakishkamanta riksirishpami chayachirka.
Ashtawanka, María Murgueytio runapak shutipimi wañushka kipa riksirishka unanchata chayachirka, alli pushak runa kashkata yuyarishpa, Colegio Pedro Vicente Maldonado wasipi kalli warmi yachayta tukchik kashkamanta shinallatak Riobamba kiti pushanapi kallari warmi chayak kashkamanta.
CV/pv/cg-k
Ashtawan Shuyukuna:
