Kay 20ª ParlAmericas Hatun Rimanakuypi shinallatak 8° Red de Parlamento Abierto Tinkuy Asunción, Paraguay llaktapi tantanakuypimi yallik chillay punchamanta, Luzmila Abad kamachi killkak kay Red de Parlamento Abierto tantanakuypak kipapushak akllarirka.
Parlamericas tantanakuyka shuk chikayashka tantanakuymi, Estados de Norte, Centro, Sudamérica shinallatak el Caribe llaktakuna 35 kamachiy awlli tantarishka, kay suyu llaktakunapi llaktayuk chaypikanata shinallatak llaktata alli pushanatami sinchiyachinapak mashkakun, llaktapura rimanakushpa shinallatak makipurash llamkashkapapish, kay suyu llaktakunapi kamachi awlli paktarichun shinallatak kimichik llaktakuna kashkata paktachunapash.
Kay rimanakuypika Consejo de ParlAmericas shinallatak Comité Ejecutivo de la Red de Parlamento Abierto de ParlAmericas tantanakuy pushakkunatami akllarka.
Kayman chayamuk ayllukunaka kamachi awllipura, llakta pushakputa, llaktayukpura, shukllapak shinallatak istallaktapurapash mushukyaykunata ñawpakman apanapimi llamkana kan nirkami, kayshina llamkashpa llaktayukkunapak kawsayta alliman pushankapak.
Puchukaypika, llaktayukkuna chaypikanata, runapak hayñita, makipurash llamkanatami yuyaypaktarirkakuna, tukuykuna wankurishpa makipirashpa llamkana yuyaywan, kayshina kimichik llaktakunata, achiklla, pakta llamkak llaktakunatapash charinkapak.
PV/cg-k
