Llaktapak tawka markakunapi, Coordinación General de Participación Ciudadana wankuriwan makipurashpa, Mamallakta Tantanakuyka kay hunkaypi llaktayukkunawan tawka rimanakuytami charinkakuna, kaypika arinishka kamachiykuna yanapanamanta shinallakta rurarikuk kamachiykuna imalla charishkatami riksichinkakuna.
Kay Bolivar marka Casa Legislativa wasika kamachiy ruranapi shinallatak ñawinchiy paktaypi tawka llamkaykuna paktashkatami llaktayukman riksichirka, Cañar markapika kay Unidad Educativa Dr. Camilo Gallegos Domínguez yachana wasipi yachakukkunawanmi Ley de Salud Mental kamachiymanta rimarirkakuna, Cotopaxi markapika Código de Reactivación del Sector Agropecuario y Pesca kamachiy rurana killkatami rimanakurkakuna, kaypika Comunidad Chami- Parroquia Guangaje llakta, Pujilí kiti llaktayukkunwanmi rimanakurkakuna.
Shuktakpika, Napo marka Casa Legislativa wasipika Ley Reformatoria a la Ley para la Planificación Integral de la Circunscripción Territorial Especial Amazónica kamachiy mushukyachinatami rimanakurkakuna, kaymanka San Pablo de Uzhpayacu llakta ayllukunami chayamurka. Pastaza markapika Proyecto Social Años Dorados llamkayñan killakta, shinallatak yuyak runakunapak haymita sumaychanapak tawka kamachiy mushukyachinatami rimanakurkakuna.
Manabí markapika Río Chico kitilli, Portovieno kiti ayllukunamanmi, llaktayukkuna chaypikanapak hayllikunata Kamachi Awlli charishkata riksichirka.
Escuela Legislativa
Tawka yachaykunatami allichirka: Makipurashpa utka llamkanamanta, Pushaynamanta, llakikuna allichinamanta, shuktay yuyaykunapash. Kay yachaykunaka Fundación FIDAL shinallatak Escuela Legislativa wankuriymi Universidad Internacional de la Rioja, UNIR sumak yachanawasiwan makipurashpa paktarikunkuna.
Ashtawanka, kay Foro Fortalecimiento de la Democracia y Derechos de la Juventud rimanakuyta charirkakuna, llaktayuk wankuripi yachakukkuna, pushakkunatami kayachishka karka, shinallatak Facultad de Jurisprudencia pushak, Director Nacional de Capacitación y Formación en Democracia del Instituto de la Democracia del CNE pushak shinallatak Coordinadora de la Escuela Legislativa de la Asamblea Nacional pushakkunami chaypi karka.
Puchukaypika, Curso en la Administración Pública en la lucha contra la corrupción yachayta kallarichirkakuna.
WS/pv/cg-k
