Hatun Rimanakuypi, Mamallakta Tantanakuyka LLakta pushak, Daniel Noboa Azín runata chaskirka, payka kay kallari sukta killapi, 23 puncha sasi killa 2023 watamanta llamkashkatami riksichirka.
Kay hatun rimanakuymanka Mamallaktachiypi hatun pushakuna, chapak llamkaywasi pushakkuna, Ecuador llaktapi istallaktamanta riksichik llamkak ayllukuna; chapakkunata awkakunatapash pushakkuna, Arzobispo de Quito kushipata; llaktapi, markapi, kitipi, kitillipi pushakkuna; academia pushakkuna, llamkaywasi pushakkuna, llakta ayllu tantanakuykunatapash pushakunami chayamurkakuna.
Kay hatun rimanakuypika 24 puncha aymuray killa 1822 watapi atirik runakunatami yuyarishpa upallay takiwan, sumaycharkakuna. Chaypikaka Mamallakta Tantanakuyta pushak, Henry Kronfle Kozhaya runaka llakta pushay tiyashkamantami llamkashkata riksichinaman kayman chayamushkanchik kayshina Batalla de Pichincha atirinakypi sinchita makanakushpa chimpapurashkata, kishpichishkata shinallatak kamay paktashkata, Antonio José de Sucre, Mariscal de Ayacucho runakuna kishpichinapak pushashkamanta.
Ingeniero Kronfle nirkami kay sukta killapika 21 kamachiykunata ruranapak yuyaypaktaritami kallaripi churashkanchik, tawkakunaka, tukuykuna 100 apushitay yalliwan arinirkakuna. "Tantarishpa, tukuy wankurikuna -makipurayta rikuchishpami-. Fuerzas Armadas shinallatak Policía Nacional wankuriyman yanapayta chayachishkanchik, kayshina llaktpai llakichiyta chimpapuranapak", nirkami.
Katipika, Llaktaman willay chayachiypi, LLakta pushak, Daniel Noboa runaka pushay kallarishpa, sasi 2023 watapi, llakipi kawsakuk llaktatami hapirkani, shamuk pachapi mana paktariy ushakukta shinapash kunanka Ecuador mushuk llakta wiñachiypimi llamkakunchik, kayshina llamkaywan llaktata allikachinkapak, kullkillamkaytapash kayachinkapak; kasiklla kawsak, llamkak, wiñarik llakta. LLamkaywan atiriyka mana tukurinchu, kunan kallarikunllami, llakikunataka illapawan mana chimpapuranachu, ashtawanpash hampinata, yachaytami chayachina; kari warmi ayllukuna tukuy paktarichunkuna.
Kay hatun rimanakuyka San Francisco de Quito kitipak hayllita takishka shinallatak Llaktapak wiphala llukshishka washami puchukarka.
EG/pv/cg-k
Ashtawan Shuyukuna:
