Mamallakta Tantanakuy kay N.° 930 niki rimanakuypimi shuk yuyarinakushka killkata arinirka, kaywanka Llakta pushak kay Hospital Marco Vinicio Iza hampina wasi, Sucumbios markapi utkashpa yanapana nishpa shutichichunmi Llakta pushakta kayachin.
Shinallatak llakta pushaktaka Ministerio de Economía y Finanzas llamkaywasi utkashpa Ministerio de Salud Pública llamkaywasiman chayachichunmi mañan, llullu wawakuna wañuyta harkanapak shinallatak kay hampina wasipi ima tukushkata taripanapak shinallatak kay markapi hampinata sinchiyachinapakpash.
Yuyarinakushka killkapika, Llaktapi Salud llamkaywasi pushak, Franklin Encalada runami Derecho a la Salud y Deporte Minkarishkapi ñawirinaman chayamunka, kaypika hampina wasipi imamamanta llullu wawakuna wañushkatami achikyachishpa willanka.
Comps Córdova kamachi killkak, mañayta chayachik, kay hampina wasipi 137 llullu wawakunami 2020 watamanta kay panchi killa 2024 watakama wañushka, kaymi llaki rikurin, nirkami.
Paymantaka, Pierina Correa kamachi killkakpash, llaktapi rikunaman chayarkanchik shinallatak llakta ñawpa pushakpak Salukd llamkaywasita pushakta kayachirkanchik shinapash pakta willayta mana charishkanchikchu. "Llullu wawakuna shinallatak wakin mamakunapash wañushkata riksinapak, shuk bacteria unkuy mañushka nishkamanta, chayllamtami llakta pushak kaypi rikuna mutsurin", nirami.
Mamallakta Tantanakuyka Ministerio de Salud Pública llamkaywasi pushaktami kay Hospital Marco Vinicio Iza hampina wasita utkashpa rikuchun kayachin, kasyshina kaypi llamkak ayllukunapak shinallatak unkushkakunapak kawsayta ukllankapak nin. Ashtawanka, tukuyta riksichik llamkaywillaytami shamuk 15 punchakuna chayachichun mañan, kaypika llullu wawakuna wañuyta harkanapak ruraykuna paktana shinallatak kay hampina wasi mutsurishkatapash riksichichunmi mañarka.
Shinallatak, Ministerio de Economía y Finanzas llamkaywasi pushakta kay 15 punchakuna ukupi kay hampina wasi kay 2020 - 2024 watakunapi llamkaykullki chayachina llamkaywillayta riksichi
Kay Derecho a la Salud Minkarishkami Ministerio de Salud Pública llamkaywasi pushak llamkashkata ñawinchinka kaypimi llulluwawakuna imamanta wañushkata taripanka. Shuk llamkaywillaytami 30 punchakuna ukupi tukuy ñawiripi tarishkata willanka shinallatak kay llamkaywillaytami Mamallakta Tantanakuyman chayachinka.
SJ/pv/cg-k
Ashtawan Shuyukuna:
