Mamallakta Tantanakuyka, tukuy chaypikak 118 kamachi killkakkuna arinishkawanmi, llaktapak Interior llamkaywasita ñawpa pushak, Juan Zapata runata, llaktawanachirkakuna, llaktapi llakikuna mirashkata mana rikushpa llamkashka nishpa, kay llakikunapika Ecuador llakta tawka ayllukunami wañurka, kiti pishakkuna, markapi kamakkuna shinallatak llakta pushanaman akllarikuk, Fernando Villavicencio runapash. Mamallakta Tantanakuypi yuyarinakushka killkapika ishkaywatata llaktapak mana llamkay ushanka ninpashmi.
Ñawinchik Carlos Vera Mora runaka llamkay imashinalla mana paktashkatami riksichirka: 1) kay Ministerio del Interior llamkaywasipak kullkiwan mana llamkashkata; shinallatak, 2) Interior llamkaywasi ñawpa pushak, Juan Zapata runa, llamkaywan llaktayukta mana yanapashkata, kayshina mana pakta llamkay tiyashkamanta llamkaykullkita 34.9% patsakllata kay 2023 watapi tukuchishka.
Llaktapak ñawpa llamkak runa mana pakta alli llamkashkamantami wañuykunapash 65.65% patsakman mirashka, kay 2022, 2023 watakunapi, tukuy llakikunapi wañushkakunaka 8.094 ayllukunami rikurin, kay wañuchiykunapi, kikinmanta wañuypi, minkashka wañichiykunami, llaktapi yupashpa rikushkamanta kunanmi yallitak mirashka. Wankurishpa llakichikkuna man hatun illapakunata, tukuyshina kuyurinata shinallatak yuyaysapayashpa llakichinami charin, Policía tantanakuyka llamkanapak mutsushkatapash mana charinchu, llaktapak ñawpa llamkak runa kullkita charishpapish mana llamkashkami rikurin, nir
Juan Zapata runami Ecuador llaktapi kayshina llakikunapi rikunata charin, llakta ayllukunapika manchaypi shinallatak llakinaypi rikunata charin, kayshina llakika miranmi paykunapak riksirishkamanta ayllukunata llakta pushak ukllana kakpi mana paktashkamanta, llakita wañuchishka karka, Fernando Villavicencio runa shina. Yuyachirkapashmi 103 chapak ayllukuunami wañushka paykunapak llamkaypi paktachushpa, 2023 wata.
Paypak manyamanta, mitsarina kamayta paktashpa, llamkaywasi ñawpa pushak, Juan Zapata runaka, mana yuyanachu kay llakikuna 13 killakunapilla mirashka kashkata kay pachakunatami Ministerio del Interior llamkaywasita pushakurkani, shinallatak rikuchirkami umachinkachinata, hatun illapakunata katihapishkata shinallatak wankurishpa llakichikwan chimpapurashkata, llakichik wankurikuna pushakkunata hapishkata, shinallatak mushuk chapakkunata yachaypi tukuchichishkata kayshina llaktapi llamkay kallarichun, kasiklla kawsay sinchiyachun nishapimi, willarka.
En el debate intervinieron 11 legisladores, quienes fustigaron el paso del ingeniero Juan Zapata por el Ministerio del Interior, en el cual demostró su indolencia frente al incremento de la criminalidad y no fue capaz de invertir los recursos públicos para dotar de chalecos, armas, municiones, patrulleros y demás equipos, pertrechos e insumos para que la Policía cumpla con su deber de garantizar las seguridad interna y el orden público, razón por la cual la Asamblea debía sentar un precedente con la censura al exfuncionario del gobierno de Guillermo Lasso.
Kay rimanakuypika 11 kamachi killkakmi rimarirka, paykuna ingeniero Juan Zapata runa Ministerio del Interior llamkaywasita ñawpapushakka, kay llaki wañuchiykuna rikurikpimi mana pakta llamkashka shinallatak llamkaykullkitapash chalecos, illapakuna, chapakantawakuna, shuktak hillaykunata Policía mutsurishkata mana rantirkachu, kayshina llaktayukta pakta yanapashpa llamkachun, chaymantami Mamallakta Tantanakuyka Llaktata pushak Guillermo Lasso runapak ñawpapushak runata llaktaywanachina nirkami.
EG/pv/cg-k
Ashtawan shuyukuna:
