Kay yachaymishayka tukuy llaktapi shukniki, ishkayniki, kimsaniki chawpi yachaypi kak wamrakunatami munachishpa kayachinapak, paykuna Matilde Hidalgo Navarro runapak yuyayta yachayrimaywan wiñayman mirachichun, Ecuador llaktapak wiñaykawsayta yuyayman chayachishpa ashtawan kimichichunpash, kay 10 puncha 1924 wata shinallatak 9 puncha raymi killa chay watallatak paypak hayñita paktachishpa apushitarka, chay ruraymi 100 watakuna Warmipash Apushitanaman chayashka paktakpi yuyarina raymita ruranka, kunan pachakunaman chayashkamanta.
Kallari manyapika yachaymishayka markakunapimi paktanka, awaki 17 puncha raymi killa 2024 wata, 10h00 pacha tutamanta Mamallakta Tantanakuypak llikakunapi killkarishka ayllukunawan, kay ruraykunaka awaki 27 puncha aymuray killamanta chaska 7 puncha raymi killakamami markakunapak Casas Legislativas ukupi killkarinka.
Ishkaynikipika markakunapi shukniki mishanakuypi sakirikkunami chayankakuna; kay rurayka Mamallakta Tantanakuypimi paktarinka, Quito llaktapi, awaki 24 puncha raymi killa, 10h00 pacha tutamanta.
Yachaymishay paktanapika, ayllukunaka kikin rurashka killkatami 5 tatkikunapi riksichinka, kikin yuyaymanta rurashkata, kaypika Matilde Hidalgo warmipak kawsaymantami rimanka shinallatak Ecuador llaktapi warmikuna apushitay 100 watakuna paktashkata yuyarinka.
kay yachaymishaypi yallirikkunaka Mamallakta Tantanakuypak yuyarinakushka killkatami chaskinka, shinallatak Instituto de la Democracia yachanapak kashkata, shuk tablet nikichiktapash chaskinka, kaykunataka Quito llakta Mamallakta Tantanakuypimi puchukay raymipi chayachinka.
PV/cg-k
