José Vallejo, Cecilia Baltazar, Jorge Peñafiel, Samuel Célleri shinallatak María Fernanda Jiménez Kamachi Killkakkunami Comisión Especializada Ocasional Minkarishkapi llamkankakuna, paykunami LLakta ṕushak, Daniel Noboa Azín, kay 24 puncha aymuray killa 2024 watapi riksichishka llamkaywillayta riksinkakuna.
Kayshina paktarinapakka, Mamallakta Tantanakuymi 85 ari apushitaywan arinirka, shukniki kipapushak, Viviana Veloz, mañay chayachishkata, mañaska yuyaykunapika Ecuador llakta ayllukunaka llaktapak llaktaytami mutsun nirkami, shinallatak willaykunapika pakta yupay hampinapi, yachaypi shinallatak shuktay paktarikunapipash riksichishkatami charinata mashkakun nirakmi.
Kamachi killkakka llamkaywillaypak tawka hatun yuyaykunapi yupaykunamantami rimarka, kayshina yupaykunata pakta riksishpa shuk llamkaywillayta 30 punchakuna ukupi allichichun nirkami, kay pachakunapimi llakta pushak willashkata alli pakta riksinkakuna nirkami.
Llakta pushaymanta willayka, Ley Orgánica de la Función Legislativa kamachiypak 44 niki killkapimi Mamallakta Tantanakuymi, llamkaywillayta riksichishkata hapishpaka chunka punchakunata mana yallishpa, shuk Yachak Minkarishkata shutichinka, paykuna kimsa chunka punchakuna ukupi shuk llamkaywillayta Mamallakta Tantanakuyman chayachinapak allichinkakuna, ninmi.
Minkarishkapak llamkaywillayta riksishka kipa, shuk rimanakuyllapi, Mamallakta Tantanakuymi Llakta pushak watapi llamkashkata llamkaywillay chayachishkata riksishpa rimarinkakuna, ninmi.
AM/pv/cg-k
Ashtawan Shuyukuna:
