94 ari apushitaywanmi, Mamallakta Tantanakuyka mamakamachiy mushukyachina killkata arinirka kaywanka Mamakamachiypak 138 niki killkatami mushukyachin, kaywanka Mamallakta Tantanakuymi allichinaman kachashkata kimsa chunka punchakunapi, kamachiy ruana killka arinishkata chayachishka pachamanta kutinpash ariniy ushanka, chawpi yalli kamachi killkakkuna arinishkawan, nishpaka 70 arini apushitaywan, kunanpi churashka 92 ari apushitayta ña mana mutsunkachu.
Rimanakuy ñawpa, llaktayukkuna chayanapi, ñawpa kamachi killkak Héctor Muñoz runami kay mamakamachiy mushukyachinaka Mamallakta Tantanakuy shinallatak LLakta pushakpash ushaywan kamachiykuna arininapak pakta chimpapurana mutsurin, nirkami. Mushukyachina killkawanka Mamakamachiypak 138 niki killkapak kimsa millkatami mushukyachishun kaywanka kamachiy rurana killkakuna, allichinaman kachakpika Mamallakta Tantanakuypi kimsapi wankurishka ishkay yalli Mamallakta Tantanakuypi chawpi yalliwan arininapak mutsurinka.
Killkata riksichik, Otto Vera kamachi killkakka mamakamachiy mushukyachina paktarin nishpami Corte Constitucional tantanakuy riksichishka nirka, ashtawanka pushay paktanapakmi punkukuna paskarishka nirka, kamachiy ruraypi rikuna charik, LLakta pushak ushanata sumaychashpa.
Andrés Briones kamachi killkakka llaktayukpak ushaypi kimirishpami kamachi killkakkuna paktarin, chaymantami kunanpika Llakta pushak nakashpaka Kamachi killkakunapura mana pakta kan. Sofía Sánchez kamachi killkakka yuyachishpa nirkami CAL wankuriwan rimanakuna ñawpa kamachiy runana killkata rikushpa Corte Constitucional wankuri shuk arinishka killkata chayachirka, shinapash Mamakamachiypak kuskata wakllichin nishpa mana
Paypak manyamantaka, Patricio Cisneros rikuchirkami kay mamakamachiypak 138 niki killkaka 2008 wata kamachiy ruranapak arinishkamantami kan, Ecuador llakta 65% kamachiyta arinirkakuna. Kipaka, Adrían Castro runaka mamakamachiy mushukyachinata alli yuyaypaktarina nirkami, kaypi llakta pushaymanta tukuy ushayta charik ama tiyachun shinallatak Mamallakta Tantanakuymantapash ama hatun ushaywan sakirihun.
AM/pv/cg-k
Ashtwan shuyukuna:
