Henry Kronfle, Mamallakta Tantanakuyta pushak shinallatak Joaquín Hernández, kay Universidad ECOTEC sumak yachanawasita pushak, llamkaywasipira llamkanapak shuk yuyarinakushka killkata shuti aspirka, kaywanka yachayman paktanapak shinallatak yachashpa katinapakmi yanapanka.
"wamraray kaywan shinallatak pakta yachashkawanmi llaktapi alli kawsaypak yanapay paktanapak shuktakyachinka, llaktapak llaktaypi llamkashkashpami wamrakuna shinallatak shuktak ayllukunapash alli kawsay charinapak pakta pakta kankakuna, kayshina alli llamkayta paktachishpaka llaktayuk wiñarinapi, allikanapi shinallatak llaktapak sinchiyanapak yanapanka", kashnami Mamallakta Tantanakuyta pushak nirka.
Kay yuyarinakushka killkawanka, ishkay watata paktanka, ishkantik llamkaywasipura paktarinapimi yanapanka, llamkaypi kallarinapak yachana, kallari yachay, shinallatak yachashka kipa yachay, punchanta yachaypash.
Kayshina makipurayka, achka pachakunapi yanaparinapak, wankurishpa llamkayta, mushuk yuyay mashkayta shinallatak llaktayukta yanapanapak ruraykunata wiñachinatami yanapanka.
Mamallakta Tantanakuyka yachay kallarinata, yachashka kipa yachaykunata, shinallatak yachashpa katinapak ECOTEC charishkata riksichinapak arinirka; yachakukkuna mana chanishka yachashkawan llamkanañawpa paktanata; shinallatak Mamallakta Tantanakuy kay Sumak Yachana Wasiwan makipurashpa llamkanapak ruraykunata paktanapak makipuranaman kayachinka.
Paypak manyanamantaka, ECOTEC yachana wasika Mamallakta Tantanakuy llaktayukwan rimanakuypi kimirinka, Kamachi Awllikuna yachachun yanapanka, shinallatak shuktak llamkaykuna tiyakpipash yanapanka.
Kay yuyarinakushka killkawanka kamachi awllikuna, shinallakta Mamallakta Tantanakuyta pushakkunami yanaparinka, shinapash ayllukunapak ishkayniki yawar ayllukunakamami chayashpa yachanapi yanaparinka.
PV/cg-k
Ashtawan shuyukuna:
