80 ari apushitaywanmi, Mamallakta Tantanakuyka shuk kunanpaklla Akllashka Minkarishkata wiñachinapak arinirka, paykunaka Llakta pushakpak llamkashkapi llakikuna rikurishka nishkata ñawinchinapi llamkanka, kay llakikunaka Ecuador llakta ayllukunatami wakllichin nin.
Tawka wankurimanta tantarishka Minkarishkapika: Jaime Moreno, Mariana Yumbay, Geovanny Benítez, Blasco Luna shinallatak Nicole Saca kamachi killkakkunami llamkanka.
Kay minkarishkakunaka 30 punchakunatami llamkanka, shinallatak chayachishka pachakunata shinallatak mirachichun mañay ushanka, Consejo de Administración Legislativa (CAL) wankuriy arinishkawan, kayshinami Ley Orgánica de la Función Legislativa kamachiypak 24 niki killkapi rikuchishkata katinka.
Kay Minkarishka ayllukunaka llamkashkamanta tarishka yuyaykunatami shuk llamkaywillaypi Mamallakta Tantanakuy riksichun 30 punchakuna ukupi chayachinka shinallatak kay pachakuna shinallatatak mirachiy ushanka, CAL wankuriy arinishka kipa. Kayshina llamkaywillayta pachakuna kushka ukupi mana chayachikpika, Mamallakta Tantanakuymi 3 punchakuna ukupi Mamallakta Tantanakuy rimanakushpa minkarishkapi imalla tarishkata riksinapak kayachinka.
KC/pv/cg-k
Ashtawan shuyukuna:
