Kay Fiscalización y Control Político Minkarishka, kay chaska 26 puncha sitwa killapimi, tukuy huchachishka shinallatak mitsarina riksichishkata chaskirka, Jhajaira Urresta kamachi killkakmi Llaktay Ñawinchinapak, Relaciones Exteriores y Movilidad Humana Llamaywasi pushak, Gabriela Sommerfeld, paypak llamkaypi mana pakta kashka nishpa mañarka.
Jhajaira Urresta, ñawiriman kayachik, llamkay mana paktashkamanta kimsa huchachiy tiyashkata riksichirka, Embajada de México, llakta riksichik wasiman sinchita, kay 5 puncha aymuray killa yaykushkamanta; Jorge Glas runamanta salvoconducto killkata, México llakta pushakmanta asilo diplomático killakta chaskishka kipa mana chayachisha nishkamanta; shinallatak, Rusia llaktawan kay llaktapak "wakllirishka" illapakunata Estados Unidos de Norteamérica llaktaman mintalasha nishkamanta waktarishka.
Istallakta hayñita yachakkuna, llaktata riksichishpa llamkkuna shinallatak ayllukuna purinata riksikkuna willashkapika Gabriela Sommerfeld llaktapak llamkawasi pushakmi paypak llamkayta mana pakta rurashka shinallatak istallaktapak hayñikunatapash mana riksishpa istallaktawan makipuranapi pantarishka nishpa achikyachishka. Urresta kamachi killkakka paypak shinallatak paypak wasi ayllukunapak mutsushkatami kallaripi churashka nirkami.
Kutinpash nirka kay 5 puncha ayriwa killaka México llakta saywapi purik ayllukunatami wakllishka, paykuna purinakuypi llaki rikurikpika hayñikunata mitsachun mayman mana chayay ushankunachu, kay ruraykunaka allpapacha llaktakuna shitarishkami kashka shinallatak, kunanka, istallakta kamaypi Embajada wasiman yaykushkamanta chimpapuranaka Ecuador llaktaka pincha hunu dólares kullkitami tukuchinkakuna, kay kullkitaka llakta kasiklla kawsanapak shinallatak hampinapak chayachiy usharin karka.
Paypak manyamanta huchachishka, Gabriela Sommerfeld, llaktapak llamkaywasi pushakka nirka México llaktami istallakta hayñikunapak 10 yalli niki killkata wakllichirka, kamak mutsushka aylluta mana chayachisha nishpa, chaskik llakta kawsaypi mana yayakurina nishkata wakllichirka, shuktak ruraykunapash. "Ecuador llaktaka alli shunkuwanmi México llaktawan llamkaypi paktarishka, México llakta pushakka Ecuador llakta pushakta mana sumaychayllaka mana karkachu, ashtawanpash ñukanchikpak ayllukuna chaypikay shinallatak kikinmanta akllanata mana sumaychanmi karka", nirkami.
Nirkami kay kapak killa 2023 watami tukuy kallarirka, kaypimi Jorge Glas runa, kamak runapakman chayanata sakishpa, México llakta riksichik wasiman samanaman nishpa yaykurka, kayshina mañayka istallaktapak kamachiypi kishpitukunata rikuchiypi mana tiyanchu. Llakta pushakka tawka kutinmi kay llakta riksichik wasiman yaykushpa Glas runata katihapinapak mañarka, kamak mañashkamanta, kay mañayta mana kutichirkakunachu.
Kay LLakta riksichik wasiman yaykurishkapika llakta wakllichikkuna llakichikkunata chimpapuranami kan. Kimichishpa nirkapashmi, kamay paktashkawan, Corte Nacional de Justicia tantanakuymi Glas runata katihapiyka pakta mana pantashka kan nirka. Ecuador llakta mutsushkata, unanchata, shinallakta llakta pakta kawsaytami ukllashpa katisha, nirkami, kutinpash nirkami ñawinchinaman kayachikka México llaktami mitsakun nirkami, Ecuador llaktata chimpapurashpa, kaypika Corte Internacional de Justicia de La Haya kamay tantanakuypi riksichishkallatakmi chayachin nirkami. Mitsarina pachakuna puchukaypika, Gabriela Sommerfeld runaka kay llaktay ñawinchiyman kayachishkata paypak llamkaypi paktashka llakirurashka mana rikurishkamanta wakichichun mañarka
Kay paktanata yallishka kipa, kay Ley Orgánica de la Función Legislativa kamachiypak 82 niki killkapak shukniki wachu rikuchishkata katishpa, kay inti 28 puncha, sitwa killamantami, Comisión de Fiscalización Minkarishka shuk llamkaywillaypi Mamallakta Tantanakuyman riksinapak llaktay ñawinchiy nakashpaka wakichina kan nishpa chayachinapak pachakuna paktanka.
EG/am/cg-k
