78 ari apushitaywan, Mamallakta Tantanakuypimi Venezuela llakta pushakta kay 28 puncha sitwa killa 2024 wata akllashkata shuk yuyarinakushka killkawan shitarin, kaypika Nicolás Maduro payllakamak runapak llamkayta shitarin, llaktayukkunapak hayñitapash riksin shinallatak tukuyshina llapishkamantapash kishpichin.
Apushitashka washaka, Mamallakta Tantanakuyta pushak, Henry Kronfle Kozhaya rikuchirkami: "Kunami Mamallakta Tantanakuy llaktayuk chaypikanata arinishka, Venezuela llaktata arí; sinchitami shitarishkanchik, Llaktapak shukniki pushak shina, Venezuela llakta ayllukunapak munashkata wakllichina yuyay tiyakpika, Llaktayuk chaypikay juyayay".
Ashtawanka, Mamallakta Tantanakuy yuyarirkami: SUPAYCHANCHIKMI tukuymanta maypishkachun llapishpa llakichishkata shinallatak kay 28 puncha sitwa puncha Venezuela llaktapi pushak akllana mana alli rikurishkamanta atirikta wakllichikukpi Venezuela llakta ayllukunata kayshina llakita makashka, llakita rimashpa shinallatak Venezuela llakta ayllukuna sinchita wakllichikushkamanta.
RIKSICHINA Mamallakta Tantanakuypi yuyarishkata, kay llakichiy, ushayta panta paktariy, llapichiy shinallatak kikinmanta munashpa pushak akllan paktayta llullashkata Venezuela llaktapi rikushkanchik.
WILLANA kay Ecuador llakta ayllukunaka llaktayuk chaypikanatami sumaychanchik, llaktayuk akllashkata, mamakamachiyta rikushpa, kasiklla kawsanapak shinallatak kacharishka paktarinapakapash. Llakichik llapik Nicolás Maduro pushakta shitarinchik shinallatak paykunalla pushanata munakkunata America llaktapi llaktayuk chaypikanata sarusha nikkunatapash shitarinchik.
KAYACHINA kay República Bolivariana de Venezuela mashi llaktapi wiñarishka ushaykunata shinallatak ista llakta tantanakuykunatapash llaktayukkuna paykunapak pushak akllana ushay charina, shinallatak llaktayukkuna apushitakashkata chaparana, sumaychana shinallatak llaktay ushaytapash sumaychana, llaktayukkuna apushitashkata yupashpa llaktayukman achikllata rikuchinakama, kay yuyaykuna riksinaman tukuykuna yaykuna, pakta pakta, lalktapak llamkay wasikunamanpash, kay Pacto Internacional de Derechos Civiles y Político killkata paktachishpa.
KUTINPASH istallaktakunaman runakunapak hayñita shinallatak tukuymanta kacharishpa kawsanata, ushayman paktanata shinallatak hayñi paktana rikunata sumaychana, llaktayuk apushitashpa tukun kutinpash kacharishpa, tukuykuna pakalla apushitashpa llaktayuk pushakuna akllanapak kayachina;Tawka tantarikuna shinallatak llaktay wankurikuna; llaktapak ushayta kikinyachishpa charina, kay Carta Democrática Interamericana killka rikuchishka shina.
WILLANA kay yuyarinakushka killkata Llakta pushak Daniel Noboa Azin runaman shinallatak Ministra de Relaciones Exteriores y Movilidad Humana Gabriela Sommerfeld pushakman, shinallatak Mamallakta Tantanakuypak willachik antakunap
CHAYACHINA kay yuyarinakushka killakta kay Organización de Naciones Unidas y Organización de Estados Americanos tantanakuyman paykuna ushashkapi pakarishpa Venezuela llaktayukta paykuna pakta chaypi kana hayñita sumaychachun.
Rimanakuypika, yuyarinakunapak killkata chayachik, Diego Matovelle runaka Venezuela llaktapi llakikuna 15 watakunata yallimi tiyan, kay pachakunapimi hunu hunu llaktayuk ayllukuna shuktak llakpi.
"Venezuela llaktapika llakika mana tiyarkachu, llaktayuk chaypikanatami wakllichirkakuna, Chay yuyapillatak, Ana Galarza kamachi killkakka Venezuela llaktapi pushakkuna akllayman mana yaykuchun sakirkachu. Kunanpi pushakkukka "paykuna llaktayukpak yawarta hichachik", Fabiola Sanmartin runaka América sukta llaktakunallami yuyachirkami shinataksukta llatakunami yuyachirka Nicolás Maduro.
Shinallatak, paykuna yuyashkatami Mauricio Zambrano, Gissela Garzón, Ricardo Ulcuango, Valentina Centeno, Fernando Cedeño, Jaminton Intriago, Lucio Gutiérrez, Jorge Peñafiel, Adrián Castro, Pedro Velasco shinallatak Jorge Chamba chayachirkuna.
AM/cg-k
