Kay Fiscalización y Control Político Minkarishkapi Jhajaira Urresta kamachi killkak llaktay ñawinchiy paktarinapak mañashkata ñawpakman apanapak arinishka apushitayta mana paktarkachu, kaypika ministra de Relaciones Exteriores y Movilidad Humana, Gabriela Sommerfeld runatami ñawirichun kayachinapak mañan, paypak llamkayta mana pakta pushashka nishpa. Chusku apushitaymi arinishka karka shinallatak pichkami mana nishka karka.
Shinaka, kay Ley Orgánica de la Función Legislativa (LOFL) kamachiypak 82 niki killkapi rikuchishkata katishpa, minkarishkata pushak, Pamela Aguirre, ishkay punchakuna ukupi, Mamallakta Tantanakuyta pushakman shuk llamkaywillaypi kay minkarishkapi rikushkata tukuy riksichishpa chayachinka, shinaka Mamallakta Tantanakuymi llaktay ñawinchiyta katinapak nakashpaka wakichinapak riksishpa yuyarinkakuna.
Kallaripi rurashka llamkaywillaypika, ministra Gabriela Sommerfeld runami paypak llamkaypimi mamakamachiypak 41, 147 niki killka, 10; 416 yupay, 2 y 9 yupay; y, 424 yupaypash, shinallatak Ley Orgánica de Servicio Exterior kamachiypak 1, 2 y 4 niki killka, 4 y 9 yupayta; shinallatak, Kay Código Orgánico Integral Penal kamachiypak 482 niki killkatal. mana paktarishka nishpa llaktay ñawinchiyta kallarinkapak mañashka.
Kashina rikushkamanta, minkarishkaka Mamallakta Tantanakuytami, Gabriela Sommerfeld, ministra de Relaciones Exteriores llamkakta llaktay ñawinchiyman kayachichun mañan, paypak llamkayta mana paktashkamanta nishpa. Shinapash, apushitaypika, minkarishkapi allichishka killkaka chusku ari apushitayta paktarka, kaywanka minkarishkakunaka shuk llamkaywillayta mana chayachiy usharkachu, rikuchishpa, Mamallakta Tantanakuyman imamanta ñawinchiy paktanata riksichishpa llaktay ñawinchiy kallarinapak, kay LOFL kamachiypak 82 niki killkapi churashkata paktachinkapak.
EG/am/cg-k
