"Mamakamachiyta shinallatak kamachiykunata ukumanta mushukyachinami mutsurin, Llaktapak llamkaywasi paktarina mushukyachinapak, shinallatak paykunapak llamkay usharinatapash allichinkapak; ashtawan llaktayukpak hayñikunata allichinkapak", kashnami Mamallakta Tantanakuyta pushak, Henry Kronfle Kozhaya kamachi killkak, kay 215 watakuna llakta kishpiriy shukniki Atiriyta yuyarishka hatun rimanakuypi nirka.
Kay 10 puncha karwal killa 1809 watapi paktashkata yuyarishpa, ñawpa ayllukunapak yuyayta katinapakmi kutinpash arinirka; kishpirina, llaktayuk chaypikana, pushana, tukuykuna paktakana, allishunkuna, achiklla llamkanapash, kay yuyaykunami ñukanchikpak llamkayta pushana kan, nirkami.
Mamallakta Tantanakuyta pushakka tukuykuna munashkaman chayanapak churashkata paktanapak achkami illan nirka. Shuk Ecuador llakta, tukuy ayllukuna pakta llamkayta charichun shinallatak kullkitapash pakta chaskichun, kasiklla kawsaypash pakta kachun shinallatak kullkillamkaymanpash tukuykuna paktarichun. Kay llakta kaypi kawsakkunaman killkita kallaripi chayachichun, llaktayuk kasiklla kawsanapi, llamkay wiñachinapi, hampinapi, yachaypi, llaktayukpura alli kawsanapi, wasichinapi, ñankuna allichinapi, ruraykunapi, marakunapi, kitikunapi shinallatak kitillikunapi yanapay chayachinapi achka llakimi kan, nirkami.
Kayshina rikuypika, Mamallaktapak tukuy llamkak wasikunatami kayachirka, warmikunata llakichiyta anchuchinapak, Mamallakta rikushpa kallaripi yanapayta chayachichun. Shinallatak wamrakunata uyanapak shinallatak paykunapak paktashkata chaskinapak llakta wiñachina kan nirkami. Tukuy yuyakkuna shinallatak wamkrakunapash shuk kasiklla kawsan llaktata charinapak rikunapakpash mashkana kanchik", nirkami.
Makipurashpa llamkanka
"Llaki punchakunaka sinchi pushakkunata shinallakta makipurashka llaktayuktami mutsun. ¡Shuklla Ecuador!, wakinkunaka, tawka watakunatami, rakishka, Ecuador llaktayuk allimi, mana allichu nishpa, charin mana charik Ecuador llaktayuk nishpa, ashtawankarin, pushaykuna akllanapaklla, Ecuador llakta mawkapi shinallatak mushukpipash", nirkami.
Shinaka, ishkay Ecuador llakta mana tiyanchu; Ecuador llaktaka shukllami, llamkak llakta, paktarik, yanapak shinallatak wakchakunata yanapak llakta; kayshinallami wiñarishun. Kaymi Ecuador shukll llakta. "Tukuykuna, shukllayashpa shinallatak munaywan, shuk pakta, wiñarin, kasiklla kawsak Ecuador llaktata wiñachishun", nirkami.
Llaktaypi kayshuk llamkakta kayachiy
Henry Kronfle runaka llaktayukkuna shinallatak llaktaypi kimirishka ayllukunatami, yuyaykunamanta rimanakunapak, chikan yuyay charishkata sumaychashpa shinallatak pakta yuyaykunapi paktarinaman kayachirka, kayshinami shuk munashka llaktata wiñachishun, nirkami.
Kunanpika llaktapi llaki kawsaywanmi chimpapurakunchik, llamkaypash mana tiyan shinallatak llamkachikkunapash mana wiñashka rikurin. Ñukanchik llaktapika llakichikkunami manchachikun, wamrakuna llamkayta mana charishpaka kayman chayay ushanmi. Manu kullki yallitak mañay shinallatak kullki llamkay waklliriymi llaktayukkunapak kawsayta sinchita wakllichikun nirkami.
Mamallakta Tantanakuy paktarishka
Henry Kronfle runaka nirkami, Mamallakta Tantanakuyka kayshina paktarikunata llaktapi rikushpa mana chikanyashkachu. Chaymantami, Llakta pushak kullkimanta utkashpa ruranapak chayachishka kamachiykunata llakta wiñarichun shinallatak pakta katichun arinirka.
Kasiklla kawsanapika, Ley de Vigilancia y Seguridad Privada shinallatak kay Ley de Creación de la Universidad de Seguridad Ciudadana y Ciencias Policiales kamachiykunata arinirka, kaywanka chapak ayllukuna kamayta shinallatak paktarina hayñikunatapash riksinapakmi yanapanka. Shinallatak rimanakuypimi, Ley Orgánica de la Policía Nacional del Ecuador kamachiy rurana killka, kaywanka llaktayukkunatami ashtawan pakta yanapanka.
Llamkaymanta rimashpa, Ley Orgánica para la Igualdad Salarial entre Hombres y Mujeres kamachiyta arinirka, llamkaymanta kullkita kari warmi pakta hapichunkkuna. Nirkapashmi kayshina llamkaykunami sinchita purinapak hillaykuna kan.
RSA/am/cg-k
Ashtawan shuyukuna:
