Kay Awki Mikunata minkashka, Miguel Carvajal kamachiy killkak, kay Tierras Rurales y Territorios Ancestrales kamachiyta atinakuyka Mamallaktapak hatun ushaymi kan nirka, kayta killkakushpa achka runakunami chaypi karka, pukuchita, tarpuyta patakunatami allichin nirka.
Kay kamachiyka ayllukunapak tarpuytami mirachin, ayllukunaman mushuk pukuchitami wiñachin, tarpuna allpa ama shukpaklla makipi, ashallapak makipi kachunmi harkan.
Kay 2050 watapika Ecuador llaktapika wakaychishka mikunata, awki mikunata charinami mutsurin, chaypakmi Mamakachiypak mushuk yuyay kan.
Kay Tierras Rurales y Territorios Ancestrales kamachiyka tarpuna allpata ukllana, wakaychina, kutintak wanuna llankaytami kun; tarpuna pampakunata, allpachapi runakuna mirarikta ukllanka.
Watanta tarpuna allpa llanakshka kashpami runakunata yanapak shutita charin, sumak, may alli, unipakpash; ayllupi; ama hatun allpa tukuchun, shukpaklla makipi amakachun; yaku tiyakpika, ama tuñirichun rikuna, shuktakkunapash; murukuna ayllupi ama illachun, hatun kuskapi kapukkuna tiyachun.
Pachamamata yanapakka, tarpukpi pachamamata wakaychikmi kan, mushukyachik, tawkasami kawsayta kuk, pachamama llika, sapita charimushka kan; pachamamapak kawsayta sumakchay; pachamamata makinchikta rikuchun, pampakunapi llankayta rikuna yuyayta charik; yurakunata tarpuyta, kutin tarpuyta mirachichun, ashtawankarin kay llaktapi tiyak yurakunata mirachichun.
Kay Autoridad Agraria Nacional tarpuy llaktayta pushanka, paktachinkapash, allpata kamachiywan shutichinka, tukuykuman allta rakinka, paklla allpakunapi alli llankanka, paktapakta yaykurinka, runakunata allpa yanapachun, pachamamata charirayachun kanka.
Kay Consejo Consultivo de Participación charichun, kayta (30 nikipi riman); Fondo Nacional de Tierra tiyanka. Kayta (31 nikipi riman); Sistema Nacional de Información Agropecuaria kiputa charinka (36 nikipi riman).
Shuk ayllu, kawsayta charinkapa, chayka shuk sami tarpuyta charin nishpami rikuchin, kawsaytarpuywan paktami kan, ayllukuna sumakta kawsashpa mirarinami kan.
Paklla allpakuna ama shukpaklla makipi kachun, kikinpaklla, kullkiwan mañachishka ama kachun, saywashka ukupi kak allpakuna mayhan layapash ama shukpak makipilla kachun. Tarpuykuna ama shukpaklla makipi kachun, mintalayta, katuna pampatapash rikuna kachun.
Pakllapi kak tarpuna allpakuna, kamachiywan shutichishka kashpa, Mamallakta rakishka kashpapash ama shukpaklla makipi kachun. Runakunata mana yanapak allpakunaka kichushkami kanka; pachamanta mana charirayakpi; willashkamanta shuk wata chawpi mana murukunata pukuchikpika kichushkami kanka; paklla allpakuna shukpaklla makipi kak, ashallakunapak makipi kak; runakuna mirarikpi kichushkami kanka.
Manarak kamachiyta arinishpa tapuy
Kay Miguel Carvajal Mamallakta Tantanakuypi kay mushuk kamachiy tukuy llaktakunapi tapushka kachun nirka, kay tapuykunaka sapsi hayñiwan kimirikmi kanka nirka.
Kay runakunata manarak allpa kamachiyta arinishpa tapuyka allpata kamchiywan shutichina kakpi, ñawpa pachamanta charimushka kakpimi mutsurin; allpata shutichinkapa katikuymi kan, tarpuna allpata, purina allpata, ñawpa pachamanta charimushka allpata kamachiywan riksinkapa kan; sapsi hayñita rikun, kutin wiñarik pachamamata hapikukta rikun; sapsipak, ayllullaktapak, llaktakunapak, runallaktakunapak allpakuna alli kachun rikun. Kaytaka Mamallaktapak 57 nikipi, 17 yupaypimi ashtawankarin rikuchin.
RSA/pv/jc-kichwa
