Kay Ishkay chunka kimsa niki, Foro Parlamentario Asia Pacífico rimanakuypi, Hirofumi Nakasone runa, Kay rimanakuyta honorario pushak, Yasuhiro Nakasone runapak shutipimi, llakta kawsayka runakuna chikan kashkata, llaktapak rantika llaktayukkunata kuchuyachin, nirkami.
Ayllukuna kasiklla kawsay wiñachinata, llaktayuk makipurash kawsayta, allpa pacha llaktakuna kawsayta sinchiyachinapakmi llankakunchik, nirkami.
Llakta kawsayta, rurayta, yachayta, pukllayta rantinpura karanakushpami allpa pacha ayllukuna kasiklla kawsachun may alliman chayashun, shinallatak allpa pacha llaktakunawan mashiyay sinchiyachunka, willachik antakunawanmi llakta saywata yallina, harkaykunata anchuchina mutusurin nirkami.
Munashkata paktanapakka runakunapak yuyay, munay, llaktapura ranti ranti kawsaywanmi yanapanka, nirkami.
Hirofumi Nakasone runa, Ecuador llakta kuyaywan chaskishkata, tukuykunata mashiyashpa kuchulla llaktakuna pakta kawsaymanta, allpa pachapi ancha llakikunata chimpapuranapak rinamakuyman kayachishkamanta, llakikunaka palestino-israelí makanakuy, shinallatak kayshinamanta rimanakuyka Foro Asia Pacífico rimanakuyman chayakkunami riksina kan, kaypimi allpamanta, mamakuchapi kawsaymanta, ista llakta allpakunamanta, allpapacha kunakyaymanta, illapakuna charinamanta rimanakunka.
Llaktakuna kikin llankaywan kasiklla kawsay paktanaka sinchimi kan, chaymantami kay Hatun Rimanakuyman chayamuk llaktakunapura makipurana mutsurin, chaymantami kayshina ista llaktakuna hatun rimanakuyta ashtwan rurashpa katina kan, kaypimi llaktakuna mutsushkata rimanakuy usharin, nirkami.
Kay Japón llakta, Ecuador llaktawan makipuray tiyan, ishkantin llaktakunami kunuk pukyuta, takikunata, killkakunata, shuktak riksinata, kuyay unanchatapash mushukyanapak charin.
Llakta kawsaymi runa kawsayta, llaktayta yalli mutsushka rikurin, kawanmi llaktakunata tinkichinapak yanapan, ninmi.
Mamallakta Tantanakuyta pushak Gabriela Rivaneira apuk, Ecuador llaktata pushak, Rafael Correa apuk runata yupaycharka, paykunami kuchulla llaktakuna wiñarinamanta rimanakuyman kayachirka, shinallatak kay Ishkay chunka kimsa niki
Kay rimanakuyka Mamallakta Tantanakuypak Salón Plenario Nela Martínez wasi ukupimi paktarikun.
Shuyu rikuchik Hirofumi Nakasone -Foro Parlamentario Asia – Pacífico rimanakuypak Honorario pushakpak ranti.
JLVN/p
