Kay hunkapi, kay Tierras Rurales y Territorios Ancestrales Hatun Kamachiy Antisuyu llaktapi pusharikun. Kunan wanra puncha Lago Agrio, Sucumbíos llaktapi riksichinka, kaya Coca llaktapi, Orellana markapi riksichinka.
Shinami, Soberanía Alimentaria y Desarrollo del Sector Agropecuario y Pesquero minkashka llaktayukkunaman tawka llaktakunapi kay kamachiyta riksichishpa katikun, chay llankaykunata Miguel Carvajal Aguirre kamachiy killkakmi pushakun, shinami Mamallaktapak tawka suyukunapi kamachiy killkarishka katikukta riksichinnka, kamachiyta manarak arinishpa llaktakunata tapunka.
Kunan, 10:30 sayllapi, Centro de Atención Ciudadana de Lago Agrio llaktapi, Napo ayllullaktapi, Circunvalación y Río Aguarico ñanpi, tantarikunata pushakman, allpa kamachiy imashina katikushkata uyachinka shinallatak, sapsikuna, ayllullaktakuna, llaktakuna, runallaktakuna tapunka, paykunapash yuyaykunata churanka.
Chilla, 15 puncha, 10:00 sayllapi, Auditorio del Terminal Terrestre, Francisco de Orellana (Coca) llaktapi rimanakuyta charinka, chayka 9 de Octubre y Río Guataraco kuskapimi sakirin.
Kay yachaykunawan, Comisión Especializada Permanente de Soberanía Alimentaria y Desarrollo del Sector Agropecuario y Pesquero mikashka, kay Tierras Rurales y Territorios Ancestrales kamachiypak yuyayta, imashina llaktakunata tapuypak katikushkata riksichinka, kimsa hatun yuyaytami, ashtawankarin riksichinka, ñawpamanta charimushka allpata kamachiywan riksina; allpata mawkayachina; llakikunata imashina allichina, runapak paktakayta risichinka.
EG/pv/jc-kichwa
