Kamachiy killkak Arcadio Bustos 010 kamachiyta mushuk kamachiyta rikuchirka, kayka–Fondo para el Ecodesarrollo de la Región Amazónica- shutimi kan, kayta katishpa 1 manta 6 dólar kullkikama mirarinka, kayka antisuyupi sapan punkara mankamanta, kancha ista llaktapi katushkamanta kanka.
Sucumbíos markamanta kamachiy killkak mushuk kamachiyta churashka, mana tukuyllapak kullkita kichunchu nirka, mana churashka kulkita mirachinchu, chawa punkarata yalli kullkipi katushkamanta shamuk kullki antisuyutami allichinka, punkarata surkushka kuskakunatami allichinka.
Mamakamachiy paypak 274 nikipi (GAD) kamaywasipak kamachikkunata riksin, paypak llaktapi pachamamapi tiyashkakunata llukshichishpaka, kapukyachishpa, chaykuna mana kutintak wiñariyna kakpika, kay llankaymanta llukshik kullkita, kamachiy kushkata hapina hayñita charin.
Ashtawanpash, Mamallaktapak saywamanta 40 waranka tupupi taririk kitikunaka, Mamakamachiy paypak 249 nikipi nishkashina, Mamallaktapak kullkimantami hapinka, shinallatak chaywan kasiklla, awkikayta mirachichun, pachamamata, kawsaypurata kamana yachayta charichun.
MG/pv/jc-kichwa
